大家樂 (翡翠明珠廣場)

营业中

休息中

大家乐呢d老牌子连锁快餐，系人都知咩料，对于街坊黎讲价钱算大众化，但有时质素与广告真系有d落差。先睇餐牌食咩好，个火锅又几过引，睇图就唔错，结果叫左x2x3两个餐，一个牛一个猪，满足哂三个愿望。见到7蚊三粒丸咁抵食串鱼蛋都唔止啦，仲要新鲜丸㖞～咪试试啰，点知中伏，见下图。吊！乜料，一堆唔知咩。好彩个锅唔差，正常边炉野，汤底有猪骨同牛尾。牛尾蕃茄汤较浓较甜，反而猪骨浓汤系清清地。个菜篮正常出品，有米线系底，唔惊唔饱。呢个丸又正常㖞，唔似个三色丸咁，真系贪字得个贫。系个鱼腐麻麻地，其他味道正常。脆既，正常鱼皮，较薄身，明显系某牌子既「鱼之皮脆」。都系正常出品肉类，独立包装，算几新鲜，唔鞋口，脂肪比例都可以既。总括来讲，七十零蚊一个边炉，自己买料系好食好多，但系要做一大轮呢，又洗又盛，家下比少少钱搞掂哂，食物都正常出品，过下引都唔错。