1仔冰室 (已結業)

平时嘅常餐大多都系汤面或者米粉配上五香肉丁/沙爹肥牛/叉烧，好少见到会有捞公仔面。 好奇心驱使下就叫咗黎试下。呢个餐嘅份量相当多，块多士好厚，仲有啲脆，只可惜已经唔热啦！炒蛋应该用咗好多油去炒，食到成个碟都见到啲油，感觉好肥腻。下次再嚟嘅话应该会尝试奄列。瑞士汁嘅味道适中，唔会太浓，同捞面好夹。下次可以自己喺屋企买瑞士汁试下。鸡翼都几大只而且有三只咁多，瑞士汁好入味，正！！呢个常餐，好健康咁有啲伴菜西兰花喺度，好可惜只系白烚完全无调味。