KOI Thé (已搬遷) 新店位置

初四喺旺角食完韩国野，谂住走去卡拉OK Hea下，点知原来香港人真系冇咩野做，哈哈full晒，仲话要等几个钟头先有机会有房，咁梗系唔等啦。跟手就慢慢行过去登打士街𠮶边谂住买杯野饮，认真讲本身几讨厌呢条街，因为真系任何时间都好多人，要用九牛二虎之力先行得过。不过呢度都有好几间台式饮品店，好似清玉、茶汤荟、贡茶等，我地当日就拣左 KOI Thé，系台湾50岚喺香港开嘅品牌，主打玛奇朵饮品，以前都有帮衬过好几次都觉得OK。乌龙玛奇朵 $23/中之前饮过几次，分别系水蜜桃、榛子玛奇朵，都觉得佢地嘅玛奇朵的确几香甜幼滑，今次叫咗乌龙玛奇朵 - 少甜。本身乌龙茶几清，配合玛奇多嘅甜味，啱啱好。饮嘅时候喺杯盖上𠝹开少少，不用饮管，入口既有细滑奶泡，又有淡淡清茶，解渴得黎唔会好寡，不俗，价钱亦唔贵。