帝景軒 (已結業)

最近朋友话我知呢度推出龙虾海鲜自助晚餐优惠，叫我一齐黎，一向至爱龙虾嘅我当然盛情难却，就决定过黎一食。酒店环境好好，唔会好浮夸，座位及布置都精致有心机，坐得感觉好舒服，正合我地钟意慢慢食，愉快吹水的人。最爱龙虾的我一开波就先去拎龙虾了。图中的冻龙虾钳，肉质鲜美，又冻冰冰好消暑。鲜虾都好软滑。仲有半只蒜蓉牛油焗龙虾，啖啖肉，好弹牙香口，可惜太好味唔记得左影佢相。蒜蓉烧生蚝，蚝唔一定要生食，烧熟食又有另一番美味。呢个蕃薯汤超好味，好香浓。三文鱼、粟米等配菜也水准不俗。有即叫即烧的羊架同黑毛猪扒，都烤得火喉恰到好处，肉质可口惹味。甜品时间，琳琅满目的选择，至爱系葡挞，蛋味香浓。愉快食下吹下水又一餐，我地星期六食价钱都只系三百几。