星滙演 (裝修中)

呢间starverse几有惊喜，佢喺尖沙咀中心嘅三楼，唔算好起眼，但原来餐厅有无敌维港景，仲有live bandshow同dance pool。今日我就约闺蜜去食个午餐。佢有weekday lunch set menu 好抵食，5个course再加埋不限时无敌大海景（$128）价钱超抵。餐厅环境唔错，坐得十分之舒服，我地食左两个钟一啲都唔赶！ <Lunch set menu> ($128 per person up)Appetizer+ Entree + Main+ Dessert + coffee/tea 🔸️Appetizer: 是日餐汤+软面包（8／10）今日系洋葱汤，十分足料。🔸️Entree: 炸三文鱼卷（8.6／10）呢𠮶摆得好靓，都几特别，炸三文鱼卷外脆内软，有紫菜包住黎炸，好香口。 🔸️Entree: 五花腩馒头（7.6／10）呢个稍为细旧咗啲，不过五花腩都几香。 🔸️ Main: 蕃茄带子长通粉（8／10）味道正常！十分大碟。 🔸️ Main: 黑安格斯封门柳配烧薯仔（+$68，8.5／10）呢个推荐，封门柳几有牛肉香。咬落唔会靭，有肉味，烧薯仔都好多好丰富。