高興 (已結業)

难得同朋友一齐放假，约左去食个lunch倾计。呢间餐厅装修走怀旧风，假日中午人少少比较安静，适合同三五知己黎倾计放松下，坐得耐少少都冇问题。 🍴韩式泡菜肥牛乌冬锅$60 (连饮品)呢日天气太冻，同朋友都不约而同拣左暖笠笠既锅物。肥牛质素普通，但份量搭救😆。配料仲有椰菜同草菇，又加返分。乌冬质感几弹牙，份量都好多。汤底微辣，加埋锅物既热度，食到个人兴烚烚要除褛😂。 🍴蕃茄汤豚肉豆腐乌冬锅$60 (连饮品)豚肉选用腩肉位置，比较肥，汤底蕃茄味浓，份量一样系好多阿，边倾边慢慢食都食得晒既。 饮品选择非常多，包基本奶茶柠茶，加10蚊可以叫特饮。我地拣左热维他奶，都系唔驶加钱架👏可惜天气太冻，唔系一定试下沙冰。