Amour Corner (已結業)

旺角砵兰街系一条我好少去揾食店既街，因为感觉果头比较杂同唔似会有好餐厅，但上网揾旺角西餐又见到呢间，好似环境同食物都唔错，所以同朋友黎试下我地被安排坐近门口，餐厅唔算大，但都坐得舒服，因为佢唔系好多枱，所以有足够空间而且里面，气氛都几浪漫，黑黑地，每枱都有蜡烛有好多巴黎既相关摆设我同朋友两个人拣左呢个二人餐，都几丰富先来两杯白酒，本来以为跟餐都唔会好饮，但又唔系㖞，都几好饮，系偏甜既白酒，不带苦涩，易入口餐汤系杂菜汤，都几多料，我钟意，甜甜地头盘巴拿马火腿好香，蜜瓜够甜，配合起来好好食。而鹅肝青苹果都好清新既感觉带子配柠檬汁同醋汁酸酸地好开胃沙律新鲜，有唔同汁可以配，我地拣配蜜糖芥末汁好开胃呢个意大利饭，饭比较粒粒分明同硬身少少，唔会太creamy，同有时食既意大利饭有少少分别，但其实各有各好，呢碟饭比较有口感，但有口感得来，又有返少少creamy同滑，加埋鹅肝香味，同杂菌，好味肉眼扒五成熟入口香嫰，肉汁重保留到奶冻好香浓奶味好滑，配埋上面既少少果酱都唔会太甜最后重有杯餐茶跟，咖啡都不错，浓郁香醇总括，估唔到砵兰街都有有水准既西餐