泰沾麵

营业中

休息中

呢个商场一出地铁站就系好方便，所以近来都喺个商场度揾吓嘢食… 今日又走过嚟行吓新开𠮶间百货公司顺便揾吓嘢食。呢一间泰式嘢之前喺尖沙咀已经想试，不过好多人，今次未撞正食饭时间就喺启德呢间试吓，环境取胜，空间感阔落，光线充足。我哋两个人叫咗以下嘅嘢食：大虾炒金边粉：金边粉好弹牙，唔会炒到黐埋一旧，亦都唔会太酸，大虾超级新鲜，亦都有好够份量嘅配菜。招牌泰式沾面：见到隔篱枱食紧，忍唔住又叫一碟，面本身好弹牙，点上青咖喱，青咖喱入边有鸡肉猪红同埋其他配菜，青咖喱不会过辣，如果捞饭更加一流。青木瓜沙律：加配咗呢一个，啲汁超级好味，唔会太过辣，香甜适宜。飞天炒通菜：亦都加配咗呢一个，好够镬气，少少辣啱啱好，通菜炒到青绿色唔会黑晒。鲜椰青：好清甜，泰国嘢必点。蝶豆花香茅梳打：有惊喜，香茅青柠酸酸地，加埋蝶豆花嘅颜色望落去好Fresh。老妈手打虾饼：劲多虾肉，口感丰富，超弹牙。