La Kaffa (已結業)

趁住放假去北角试下间新开无耐嘅cafe，可能系假日都几多人㖞，等左10分钟终于有几枱人埋单离开，以为有得入啦...点知啲侍应净系顾住执枱，执晒咁多张先醒起原来我地等紧位啰 不过算啦，因为坐底就比佢啲火车模型同周围环境吸引左😍见到menu都几多选择!而且价钱比一般all day breakfast 平！最后嗌左个"白金汉宫豪华班尼迪蛋"，"田园烤鸡排早餐"2个set。白金汉宫豪华班尼迪蛋set好大份，啲德国肠好好味，有4,5条唔同口味，正👍🏾但系荷兰酱味道就唔太突出...田园烤鸡排早餐嘅鸡扒好食，不过得一件比较细件，反而西多士有3件不过就硬左啲同漏左少少嘅。补充返佢嘅西多士系无花生酱嘅。btw呢个set等左好耐，差唔多4,5个字先送到黎朋友𠮶份都食晒啦仲要催多2催先黎，不过店员就解释因为鸡扒新鲜煎嘅....咁都唯有等啦...有样要赞嘅系佢杯奶茶好好味(如果中意多奶嘅朋友)，比较接近台湾式嘅奶茶。