大喜家日本料理 (已結業)

今晚同朋友两个黎撑台脚，环境出乎意料地舒适。一般放题餐厅都比较狭窄及挤逼，而大喜家地方宽敞、灯光明亮，每台食客都有充足既私人空间，值得一赞。大喜家中央位置设有自助沙律吧、酱料吧及清酒任饮。酱汁除一黎沙律酱、日式酱油等，更有意大利黑醋汁，种类都几齐。食物种类都算丰富，由刺生、炸物、寿司及汤品等都有供应，睇到人眼花撩乱。鱼生唔错，全部都几新鲜，尤其带子特别鲜甜，忍唔住再叫多一碟。呢度既甜虾都几有特色，系原只甜虾上既。寿司颇精致，呢款黑松露带子寿司既松露香味非常浓郁，配合带子的甜美，值得一试。另外，多款于平常日式料理餐厅有售既寿司都可以系度揾到，好似海胆、芥末八爪鱼等都有，味道亦不错。小食选择虽然唔算特别多，但胜在样样都保持水准！