影片
更多
2023-07-01
687 浏览
朋友话想挽board game, 所以带我上board game cafe, 佢话食物质素都唔错就捉咗我上去了。上到去见到地方都系精致，可以有坐喺席仔，亦都可以拣坐喺普通餐桌。门口有旅游书，仲有个柜放唔同嘅board game。位置都算系宽敞，见到餐牌都有唔同嘅选择，就同朋友拣咗二人餐。先上餐汤，系椰菜花忌廉汤，份量非常足够，而且上枱时温度热辣辣，仲有冒烟，饮落暖入心。味道方面亦都有淡淡嘅椰菜花香味，因为佢blend得好够，所以入口香滑。蒜蓉包有半只手掌咁大，亦都有一定厚度。咬落外脆内软，表面嘅牛油同蒜蓉味，亦都非常之香口，唔会话好油腻。小食叫咗蒜片牛柳粒，除咗每一粒大细平均，成碟嘅份量亦都好多，唔系讲紧得几粒，以餐前小食嚟讲系超量。牛肉方面，肉质非常之松软，而且熟度啱啱好，唔会要好用力先咬得开。同时间牛肉嘅调味亦好入味，可以好易就品尝到蒜片嘅蒜香味。蒜片唔会话揸到好窿，揸得啱啱好，所以食到香口嘅感觉。烟三文鱼配忌廉野菌天使面份量好足，菇嘅数量亦都好多除咗普通蘑菇之外，仲有其他唔同嘅菇种，捞匀左之后可以一啖天使面入边有几旧香菇。烟三文鱼亦都有几大块，仲会卷到成个玫瑰花咁样打卡一流，味道
先上餐汤，系椰菜花忌廉汤，份量非常足够，而且上枱时温度热辣辣，仲有冒烟，饮落暖入心。味道方面亦都有淡淡嘅椰菜花香味，因为佢blend得好够，所以入口香滑。
蒜蓉包有半只手掌咁大，亦都有一定厚度。咬落外脆内软，表面嘅牛油同蒜蓉味，亦都非常之香口，唔会话好油腻。
小食叫咗蒜片牛柳粒，除咗每一粒大细平均，成碟嘅份量亦都好多，唔系讲紧得几粒，以餐前小食嚟讲系超量。牛肉方面，肉质非常之松软，而且熟度啱啱好，唔会要好用力先咬得开。同时间牛肉嘅调味亦好入味，可以好易就品尝到蒜片嘅蒜香味。蒜片唔会话揸到好窿，揸得啱啱好，所以食到香口嘅感觉。
烟三文鱼配忌廉野菌天使面份量好足，菇嘅数量亦都好多除咗普通蘑菇之外，仲有其他唔同嘅菇种，捞匀左之后可以一啖天使面入边有几旧香菇。烟三文鱼亦都有几大块，仲会卷到成个玫瑰花咁样打卡一流，味道方面，烟三文鱼风味十足，有淡淡嘅熏木味，味道亦带微微咸香，令人食指大动。忌廉汁亦都好浓稠香口，以至每一啖嘅天使面，亦都充满着浓浓嘅忌廉香味。香菇嘅清香，洋葱嘅清爽就令成道浓味嘅菜加入返一个比较fresh嘅口感做点缀，非常完美。
法式宝云酥羊架配薯仔份量亦都非常之大份，羊架足足有四只咁多，仲未计伴碟薯仔、蒜头、沙律等等。佢嘅半碟都住得好有心机全部都有再烤过，而且烤得啱啱好。法式宝云酥羊架最特别嘅地方，就系会用面包糠、百里香、蒜蓉等焗香羊架表面。而餐厅成功令到羊架外脆内软，增加咗羊架嘅口感同味道嘅层次感。羊肉方面，鲜嫩多汁，肉质肥美，非常之满足。食落去唔会话太重羊嘅臊味，所以朋友都可以食。佢嘅生熟度都系啱啱好，所以咬落去唔会好似咬橡筋咁样。
呢度饮品都会包埋，我就同朋友拣咗四季春茶系列，水蜜桃茶唔会话太甜，相反甜度适中，系消暑解渴嘅一大良物。我就叫咗青苹果味道，我个杯嘅青苹果味道都系好粥，而且两杯饮品都系咁大杯，由头饮到落尾啱啱好！
张贴
