Sol House Oyster Bar and Restaurant

两个人去到荃湾晚餐唔知食乜嘢好，见到依间亲和艺术环境好似几靓，几有情调，咁就入咗去试吓啦。咁因为我早黎，人都唔太多，环境好舒服，枱与枱之间都有好多空间。黑松露野菌炒意大利饭，卖相好靓，入面有好多唔同嘅野菌，上面有一啲芝士气泡，闻落去都几香。食入口野菌好多，好有层次，黑松露味好劲同时间芝士味都几重。饭方面，唔会太湿都唔会太干，同时都唔会太油，加埋啲野菌一齐食，真系好正简直一流。饮管粉配慢煮八爪鱼海胆汁，要赞下嘅系个汁真系好好食，海胆味都几强。个八爪鱼佢话系慢煮，食落去真系几弹牙同埋八爪鱼嘅汁都好Juicy，真系得慢煮先可以有咁嘅效果。咁个饮管粉方面，同意粉有啲分别，佢爽啲弹啲好味啲。然后喺个粉上面有一朵食用花，食落几特别。成个意粉食落去都好好食。