影片
更多
2022-07-26
559 浏览
通常潮州嘢都会谂起大排档打冷，如果同屋企人食/想坐得舒服啲可以嚟呢间驷马拖车潮州饭店，观塘同马鞍山都有分店😄⭐前菜贡菜爽脆，唔算好咸，令人好开胃。⭐️ 卤水鹅片 $168鹅片切得厚薄均匀，肉嫩，油脂薄，而且相当入味，卤水味香，肉下有几块豆腐，吸尽肉汁嘅鲜味同卤水嘅精华。蘸点白醋🍾味道酸甜开胃😋⭐️九肚鱼烙 $88用九肚鱼整烙都系第一次见，几特别，对比蚝饼，佢个浆更加烟韧，好似平时酒楼食薄撑嘅质地，系真系有种外脆内软嘅感觉，两边煎得香脆，中间软糯，另外配上九肚鱼滑溜嘅口感，好有层次感。⭐️潮州沙茶牛肉炒河 $82 河粉先与鸡蛋炒香铺底，镬气十足，沙茶酱浓郁，令每条河粉都挂满酱汁，面头嘅牛肉鲜嫩软腍，份量又多。⭐潮式椒酱肉 $58第一次食潮式椒酱肉，佢唔系净系得肉，肉粒嘅数量唔多，主要系有好多豆腐干同埋菜脯，仲有虾米，提升香味，捞饭／面食咸度啱啱好，就咁食就过咸啦。值得一提嘅系呢度嘅服务都唔错，未谂到食咩嘅时候叫倾你推介一下，都真系用心推介🫶🏼
通常潮州嘢都会谂起大排档打冷，如果同屋企人食/想坐得舒服啲可以嚟呢间驷马拖车潮州饭店，观塘同马鞍山都有分店😄
⭐前菜
贡菜爽脆，唔算好咸，令人好开胃。
⭐️ 卤水鹅片 $168
鹅片切得厚薄均匀，肉嫩，油脂薄，而且相当入味，卤水味香，肉下有几块豆腐，吸尽肉汁嘅鲜味同卤水嘅精华。蘸点白醋🍾味道酸甜开胃😋
⭐️九肚鱼烙 $88
用九肚鱼整烙都系第一次见，几特别，对比蚝饼，佢个浆更加烟韧，好似平时酒楼食薄撑嘅质地，系真系有种外脆内软嘅感觉，两边煎得香脆，中间软糯，另外配上九肚鱼滑溜嘅口感，好有层次感。
⭐️潮州沙茶牛肉炒河 $82
河粉先与鸡蛋炒香铺底，镬气十足，沙茶酱浓郁，令每条河粉都挂满酱汁，面头嘅牛肉鲜嫩软腍，份量又多。
⭐潮式椒酱肉 $58
第一次食潮式椒酱肉，佢唔系净系得肉，肉粒嘅数量唔多，主要系有好多豆腐干同埋菜脯，仲有虾米，提升香味，捞饭／面食咸度啱啱好，就咁食就过咸啦。
值得一提嘅系呢度嘅服务都唔错，未谂到食咩嘅时候叫倾你推介一下，都真系用心推介🫶🏼
张贴
