影片
更多
2019-09-13
1449 浏览
今日一大清早同屋企人去咗新开嘅八月花饮茶，酒楼装修够晒光猛舒适，住东涌嘅人都知道呢个铺位前身都系酒楼，以前多游客嘅时候起码最少15分钟先入到去，今日唔洗等🥳点心款式都算多嘅，不过价钱就贵左少少，都系旅游区收费，因为张纸太长，都系介绍返今日叫咗既菜式。平时食惯菠萝叉烧包，今次特别啲，外面系菠萝入边都系菠萝，菠萝包面层上枱仲系脆卜卜热辣辣，而面包就好软熟。虽然几有噱头，不过我就嫌佢个馅多咗啲，稍为甜过头，而且入边类似果酱嘅菠萝盒口感同面包唔夹，就好似食紧揸左劲多果酱嘅面包一样。too much 🙄都系整返菠萝叉烧包咸咸甜甜咁仲好啦。炸云吞好味，啱啱乍起脆卜卜，虾肉鲜甜嫩滑，配埋个甜酸酱开胃！不过炸野系会油，怕肥唔好食喇🥴去饮茶我必点嘅凤爪排骨饭，份量同其他茶楼咁上下，不过呢度嘅饭就比较干身，饭粒分明，排骨半肥瘦更滑溜，整体都ok 但未致于好好食。豉汁蒸凤爪，虽然味道比较咸咗啲，不过冇雪藏味，又唔会蒸过时，值得一试！炸両啊，炸両最紧要油炸鬼仲系保持脆身！佢既油炸鬼系即炸但硬到咬损个嘴，虽然个肠粉皮系做得几薄又几滑，不过一夹就散。咸水角都系即叫即炸，入边都系用肉碎，葱，虾米造成，几香几好味！鸡
今日一大清早同屋企人去咗新开嘅八月花饮茶，酒楼装修够晒光猛舒适，住东涌嘅人都知道呢个铺位前身都系酒楼，以前多游客嘅时候起码最少15分钟先入到去，今日唔洗等🥳
点心款式都算多嘅，不过价钱就贵左少少，都系旅游区收费，因为张纸太长，都系介绍返今日叫咗既菜式。
平时食惯菠萝叉烧包，今次特别啲，外面系菠萝入边都系菠萝，菠萝包面层上枱仲系脆卜卜热辣辣，而面包就好软熟。
虽然几有噱头，不过我就嫌佢个馅多咗啲，稍为甜过头，而且入边类似果酱嘅菠萝盒口感同面包唔夹，就好似食紧揸左劲多果酱嘅面包一样。too much 🙄都系整返菠萝叉烧包咸咸甜甜咁仲好啦。
炸云吞好味，啱啱乍起脆卜卜，虾肉鲜甜嫩滑，配埋个甜酸酱开胃！不过炸野系会油，怕肥唔好食喇🥴
去饮茶我必点嘅凤爪排骨饭，份量同其他茶楼咁上下，不过呢度嘅饭就比较干身，饭粒分明，排骨半肥瘦更滑溜，整体都ok 但未致于好好食。
豉汁蒸凤爪，虽然味道比较咸咗啲，不过冇雪藏味，又唔会蒸过时，值得一试！
炸両啊，炸両最紧要油炸鬼仲系保持脆身！佢既油炸鬼系即炸但硬到咬损个嘴，虽然个肠粉皮系做得几薄又几滑，不过一夹就散。
咸水角都系即叫即炸，入边都系用肉碎，葱，虾米造成，几香几好味！
鸡扎就系几足料既，入边有冬菇，鸡肉，棉花(鱼肚)但系就唔见咗旧火腿，同埋都系一夹即散。
味道同其他酒楼比较又无话特别惊喜，特色菜又唔系话特别多，不过价钱比较贵，始终系东荟城游客区，我都系prefer返屋邨茶楼老师父点心多d🤔
张贴
