Couple's Kitchen (已結業)

元朗教育路新开嘅一间意大利餐厅，用左简约嘅英式装修，楼底高，座位宽敞，而且有一个VIP区可以举办小型聚会。晚餐都系睇a la carte menu, 加$48可以转餐（有餐汤、餐包、茶或咖啡），如果转特色饮品另加$28。番茄浓汤味道一般，较多茄膏，如果加入香草或面包粒会好d。牛角包餐包比较特别，系牛角包。但卖相唔太靓，上桌系扁扁的，唔够酥脆，而且size比较细小。咸猪手配泰式酱（$188）份量好多，薯条系即炸的，外脆内软。酱汁系泰式香草酱，猪手外层可以再脆d, 脂肪较多。焗非洲鸡（$168）鸡肉嫩滑，去左骨，食落啖啖肉。酱汁较浓味，类似葡汁。冻柚子茶唔知系咪冰比较多，搅匀都味道较淡。冻奶茶同一般茶餐厅嘅奶茶唔同，茶味较浓，而且唔太甜，几好味。