盤子工房 (建生商場) (已搬遷) 新店位置

上个星期五同朋友去咗屯门建生邨呢间盘子工房食西餐，一去到见到个环境好靓，店舖装修以木工为主，俾人个感觉好舒服，算系沙漠里嘅一点绿洲。 睇吓佢哋个餐牌，餐厅都有心思，选择唔少，最后我哋叫咗all day breakfast同埋炸鱼薯条，另外我哋叫咗杯焦糖鲜奶咖啡同抹茶咖啡。先讲个all day breakfast，份量真系好大，足够两个女仔食，摆盘亦都好靓，绝对嘅IGable。炸鱼薯条虽然放喺小食区，但系份量都不用小觑。嘢饮方面，两杯嘢饮都非常出色，好好饮，而且份量仍然都系大大杯，饮极都仲有，真系好满足嘅一餐。焦糖鲜奶咖啡，估唔到佢嘅焦糖真系一大旧脆卜卜嘅焦糖快，俾人感觉有用心，而且佢捞埋鲜奶咖啡嘅味道真系好夹，好饮！抹茶牛奶咖啡同样好饮，冇焦糖咖啡咁甜，但系就多咗抹茶嘅甘香味，出色。总结而言，店舖环境舒服，而且位置坐落喺屋村中，真系好难能可贵，住附近嘅朋友一定要试一试，如果住得远都可以入去试一试。