秋田火鍋海鮮丼浜燒專門店 (已結業)

因为工作关系要黎湾仔开会，开完会都成12点，所以谂住同同事食埋饭先返公司。可能因为时间尚早，好多人都未放lunch，所以都唔洗点等位。餐厅既布置非常得意，好有日式风情，座位亦都好高私隐度，见客或者同情人相聚就最好不过。lunch set 唔算平，我地拣左泡菜豚肉锅同吞拿鱼杂锦鱼生丼，餐牌设计都几精致。泡菜豚肉锅：豚肉同蔬菜吸晒泡菜浓汤既精华后，真系格外好味，除左呢个锅之外，个餐仲有白饭、味噌汤、沙律、蒸蛋同甜品。味噌汤落足料，有好多日式豆腐同昆布。落左柚子汁既沙律亦令我地食到好开胃。蒸蛋非常滑，仲落左好多日式鱼蛋，非常满足。吞拿鱼杂锦鱼生丼：一上台就已经觉得佢好吸引，颜色鲜艳，有各式各样既鱼生，有虾、蛋、吞拿鱼、三文鱼同青瓜，样样都好新鲜，饭方面系日本饭再加醋，整体配搭非常好。甜品方面，系雪糕黎既，有朱古力味同绿茶味拣，以我估计应该系维记。虽然百几蚊食个饭有d贵，但系有好野食环境又好，间唔中食下都几好呀。