影片
更多
2022-03-12
1026 浏览
Coffee shop依家真系度度都有，除咗深水埗大南街系文青荟萃之地外，大坑亦都系一样。大坑呢个地方，望落只系一堆正正方方嘅旧楼，但仔细走进每个街头，都会发现有好多精品店，咖啡店，私房菜等。甚至有几座楼嘅墙都刻有同样字体嘅歌词，好似个小社区咁。 今次去到呢间coffee shop系网上热门之一，但去之前我都会对此有点保留。以我角度去睇，有D热门咖啡店只系主要吸引人去打卡，但野食就非常一般而收得贵。如果有间coffee shop做到环境又靓，食物又高质又觉得值嘅，当然系非常之难，但今日介绍呢间就做得到。 由天后站一行入去大坑就差唔多已经到了。店舖楼底高，空间感宽敞，装修就系白系简约风，无大量摆设。前方又有张咖啡bar枱，同样非常清洁，但同时亦占了很多位置，令到店舖好容易就会full house。 食物当然有ADB，吐司等，如果唔系点做早市。但势都估唔到早餐都可以叫招牌烤鸡/牛柳意粉等，仲见著隔离枱早上10:00就食cake(卖相是极之诱人)。啡友黎到呢度仲有得拣咖啡豆，当日有两款较fruity，一款较nutty，如果写埋烘焙程度就更加清晰。 oma 早餐 $110 价钱以coffee
Coffee shop依家真系度度都有，除咗深水埗大南街系文青荟萃之地外，大坑亦都系一样。大坑呢个地方，望落只系一堆正正方方嘅旧楼，但仔细走进每个街头，都会发现有好多精品店，咖啡店，私房菜等。甚至有几座楼嘅墙都刻有同样字体嘅歌词，好似个小社区咁。
今次去到呢间coffee shop系网上热门之一，但去之前我都会对此有点保留。以我角度去睇，有D热门咖啡店只系主要吸引人去打卡，但野食就非常一般而收得贵。如果有间coffee shop做到环境又靓，食物又高质又觉得值嘅，当然系非常之难，但今日介绍呢间就做得到。
由天后站一行入去大坑就差唔多已经到了。店舖楼底高，空间感宽敞，装修就系白系简约风，无大量摆设。前方又有张咖啡bar枱，同样非常清洁，但同时亦占了很多位置，令到店舖好容易就会full house。
食物当然有ADB，吐司等，如果唔系点做早市。但势都估唔到早餐都可以叫招牌烤鸡/牛柳意粉等，仲见著隔离枱早上10:00就食cake(卖相是极之诱人)。啡友黎到呢度仲有得拣咖啡豆，当日有两款较fruity，一款较nutty，如果写埋烘焙程度就更加清晰。
oma 早餐 $110
oma 早餐
$110
25 浏览
0 赞好
0 留言
价钱以coffee shop界黎讲算系中等，但佢嘅食物真系好精彩。卖相精简而丰满，但目光都系重点去咗块包度。
橙花蜂蜜牛奶吐司
18 浏览
1 赞好
0 留言
面包放在迷你烤架上，厚厚一片嘅吐司被刀介了九格，再加上迷你玲珑嘅牛油溶在吐司上面。吐司外层烘后微脆，内里丝密如生吐司，望落白而无味，但食落却松软如空气(不过又唔系空气包ar)，充满牛油香但又唔腻，又算清新。
烟三文鱼望落红透反光，口感柔嫩，充满鱼油香与适量咸鲜味，又好似有阵特别风味，唔系一般斋得咸味𠮶只而又好dry。炒蛋望到好靓靓仔仔，蛋液包裹满熟蛋本身，适味分量唔多唔少，正。
烟肉望落朴实无焦香位，但两边外围却微带脆身。我觉得餐厅咁用焗炉烤已经很好，受热都比较均匀。香肠就系典型嘅脆皮芝士肠，冇乜好讲啦。蘑菇软熟有嚼劲，唔会出水过多而出现泛滥整湿埋其他𩠌菜的情况，调味就可以加多少少。
酸种包早餐$90
酸种包早餐
$90
50 浏览
0 赞好
0 留言
酸种包有得拣原味/芝麻味，加钱就有墨西哥xxx味(忘记了😅)。酸种包系点，今次就唔多讲啦，有兴趣可以睇返baked食评(已updated)。
好少见coffee shop有比三片包，都几饱吓。面包外层布满芝麻，烟韧而唔难切(因为佢片得薄)，内里气孔蓬松而香口，松软微湿绵而有天然麦香与芝麻香，但个人略嫌酸味不够多。
牛油果唔够熟就一向系coffee shop嘅通病，自己可能买5个先有个系熟嘅(斋睇颜色系唔得架！)，而呢度系完美地熟透，加上D中东式嘅调味料，惹味而好smooth。太阳蛋难得地有层焦香脆皮。
新奥尔良烤卡彊鸡腿$125
新奥尔良烤卡彊鸡腿
$128
23 浏览
1 赞好
0 留言
新奥尔良(new orleans)系美国一个城市，而呢度指嘅新奥尔良，系一种混合而成嘅一种调味料配方，而餐厅就将佢嚟腌/调味。
鸡腿望落几大块吓，外皮金黄微脆，充满香料红椒等嘅herbs。内里则白而反光，食落系非常之香嫩，多汁而充满肉味，一度以为系慢煮而成嘅，如果提供埋手套就可以食得更豪迈。
下面嘅酱系红椒番茄酱，望落颜色奇怪地浅而粉红，味道就系蕃茄酱lor，又冇话特别多层次/creamy。侧边嘅芝麻包用黎点汁一流。而蔬菜中嘅翠玉瓜先至系我至爱，就系最经典用焗炉焗软化油润𠮶只。
其实coffee shop嘅质素去一次就真系高下立见。在我观点方面，食物系胜过环境/打卡。例如有次去有间新开嘅，家私就真系好靓，真系会令人想买返张枱櫈返屋企咁，但真心偏贵而又身处在住宅区内。但今次呢间oma就真系会令我有少少冲动想问佢d嘢食点整，佢连最基本嘅包/蛋都注重，卖相佢又胜，连隔离枱叫嘅mochi 抹茶cheesecake 系会令我有一刹那后悔冇叫埋嚟食。呢间嘅食物/环境/性价比所有都赢(起码食得好饱)，真系再无野好讲架啦。
张贴
