影片
更多
2022-06-29
1969 浏览
两前多前到访过晌2015年东京开业，快速摘下米芝莲一星，主打法日菜过江龙嘅「Tirpse」食晚饭，当时嘅总结喺一次奇妙嘅美食旅程，菜式晌用料、配搭、视觉，都喺极尽心思，而且，舒服嘅环境，熨贴嘅服务，以及上菜不缓不急，都叫客人好写意咁尽情用膳。上次同表哥食咗餐普通嘢，知佢就嚟生日，所以，专诚嚟食餐豪嘅。 晌铺面，会见到铺侧有一排坐位，装修雅致，最适合行商场行到攰，又想凉吓冷气，舒舒服服坐低饮杯嘢嘅客人，晌呢一类高级餐厅，胜在服务好，又无时限可以慢慢坐。 讲到室内环境，入去用餐区前，喺水吧区，再以一组典雅嘅灯柜间隔开外面同里面，等用餐区保持多少少私隐度。再行入去到餐厅大堂用餐区，一室摩登时尚，却又显得高雅，一排设晌对海一面落地大玻璃窗嘅座位，自然喺此时此刻嘅最佳位置，就算无坐出去，一样可以饱览蓝天白云，予人感觉舒服悠扬。 坐唔到近窗口位，其他位置其实都好舒服，除咗啲梳化位本身喺好嘢嚟，仲有就喺座位嘅编排唔挤迫，保持一定嘅空间感。然而，纯坐吓饮嘢，餐厅环境嘅亮点之一喺坐拥无敌海景，下午嚟到刚好唔会晒住，180°环廻维港景，加上是日蓝天白云，景致一流，景观方面真喺无得输。室外位有一排排藤椅，舒
晌铺面，会见到铺侧有一排坐位，装修雅致，最适合行商场行到攰，又想凉吓冷气，舒舒服服坐低饮杯嘢嘅客人，晌呢一类高级餐厅，胜在服务好，又无时限可以慢慢坐。
讲到室内环境，入去用餐区前，喺水吧区，再以一组典雅嘅灯柜间隔开外面同里面，等用餐区保持多少少私隐度。
再行入去到餐厅大堂用餐区，一室摩登时尚，却又显得高雅，一排设晌对海一面落地大玻璃窗嘅座位，自然喺此时此刻嘅最佳位置，就算无坐出去，一样可以饱览蓝天白云，予人感觉舒服悠扬。 坐唔到近窗口位，其他位置其实都好舒服，除咗啲梳化位本身喺好嘢嚟，仲有就喺座位嘅编排唔挤迫，保持一定嘅空间感。
然而，纯坐吓饮嘢，餐厅环境嘅亮点之一喺坐拥无敌海景，下午嚟到刚好唔会晒住，180°环廻维港景，加上是日蓝天白云，景致一流，景观方面真喺无得输。室外位有一排排藤椅，舒服悠闲，嚟斋饮嘢又好、叹个下午茶又好，都喺赏心乐事，写意无限。就算晌里面用餐完毕，转枱坐出嚟叹埋杯餐饮都可以嘅。
讲番佢哋嘅午餐先，分为前菜、主菜、甜品，包餐饮，餐厅所卖嘅喺融合亚洲各地元素嘅新派法国菜，而定价为2 course（1前菜+1主菜）$398、3 course（1前菜+1主菜+1甜品）$468、4 course（2前菜+1主菜+1甜品）$538，丰俭由人，咁好环境，咁好招呼，就当然要收加一服务费啦，不过，啲服务就真喺好专业，侍应对每道菜式都好熟悉，每次上菜，都会细心讲解一下菜式嘅用料及其亮点，而且，上菜速度不缓不急，节奏良好。
French Bread Selection面包喺新鲜焗制成，睇个样已感到好有质量，采用酸种制作，纯天然发酵，自然唔易控制，风味绝佳，外层香脆，包心却柔韧有个性，既富麦香，里面仲混有好多无花果干及合核粒。亮点其实晌啲牛油度，以酸忌廉、法国牛油及马卡风芝士打成，再洒少少海盐，柔滑而味道甚具层次。仲有，面包喺可以添食，不过呢，酸种包易饱肚，食一件都已经好够。
French Bread Selection
36 浏览
0 赞好
0 留言
Sweet Corn, Crab, Amasake, Caviar由于到访过，都知道佢哋嘅菜式会做得精致过人，尤其带着日本匠人嘅精神，就更加一丝不苟。呢一道前菜卖相非常清新，初时以为单喺送嚟时嘅模样，原来仲要即场注入粟米冻汤。不得不赞，除食材大多嚟自外国之外，仲用料优质，好似个冻汤咁，粟米味超浓郁清甜，质感幼滑。碟上一边喺垫有白露笋配蟹肉，再以一啲食用花、爆谷做装饰，并以日本甘酒调和，入口非常清爽鲜味，白露笋细嫩无渣；另一边则以炙烧过嘅日本超甜粟米伴以黑鱼籽，一甜一咸，让味蕾带嚟冲击感，味道极具层次，可以讲余韵悠长。
Sweet Corn, Crab, Amasake, Caviar
51 浏览
0 赞好
0 留言
Foie Gras, American Cherry, Lime另一款前菜喺法国菜嘅经典 – 香煎鹅肝，鹅肝嘅份量好大，煎得卖相诱人，并伴以车厘子及美国嘅黄杏仁。鹅肝入口绝对喺外脆内嫩，外层有种焦脆感，而里面质感粉嫩绵滑，浓浓嘅鹅肝独有香气，喺靓货嘅表现；精彩位不止在鹅肝身上，伴碟嘅车厘子亦有惊喜，因为以砵酒浸透再煮热，暖暖嘅车厘子散发出酒香，正正可以平衡番鹅肝嘅浓味，喺一道配搭出色嘅前菜。
Foie Gras, American Cherry, Lime
10 浏览
0 赞好
0 留言
Australia Skirt Steak, Lotus Root, Chicory, Macaroni两位男士都喺拣番食肉，咁啱亦喺经理嘅推荐菜式。小弟就拣咗Skirt Steak（有译为侧腹横肌牛扒，晌网上揾揾，喺指牛后腰脊柱两侧嘅肉，即喺边度？小弟不才，都真喺唔太清楚，不过，由于一只牛可以取出嘅份量都唔多，所以，价格都几贵。）卖相贯彻番一样咁精致，衬以菊苣、鲜青豆、烤莲藕片、豆蓉，色彩缤纷，有少少艺术气息。而讲到件牛扒，真喺一流，煎到5乘熟，睇样就知啱啱好，色泽保持粉嫩，却无半点血水，而肉质果然细嫩柔软，又富肉香，肉汁亦好丰盈。
Australia Skirt Steak, Lotus Root, Chicory, Macaroni
180 浏览
0 赞好
0 留言
Pluma Iberico, Lotus Root, Chicory, Macaroni表哥就想试试西班牙黑毛猪，由于猪种靓，经理话可以同样做到5乘熟，非要全熟不可，还记得曾经食过一种优质嘅加拿大猪鞍，一样可以唔需要全熟。小弟都小试咗一件，果然又喺一道优质菜式，黑毛猪肉质好嫩滑，估唔到喺咁细致，细嚼下仲食到少少油香，却完全唔会有咩油腻感，加上有咁多唔同种类嘅蔬菜伴菜，更加唔需要担心胆固醇超标啦。
Pluma Iberico, Lotus Root, Chicory, Macaroni
80 浏览
1 赞好
0 留言
两道肉类嘅主菜都有一份配菜香焗芝士通心粉（Macaroni），整道通粉都填满香浓嘅芝士，焗过嘅通粉又多添份咬口感，而里面更加有牛肉粒粒，变得更惹味，细细份作为配菜就最好不过啦。整体而言，午餐嘅份量好足够。
Mango, Black Rice, Black Lemon睇见个菜式名，就有少少泰国风，侍应将甜品送上时，介绍中亦讲到明喺以泰式嘅芒果黑糯米做蓝本，但就重新演绎。睇卖相就知喺一道完全西式嘅甜点，外观亮丽，以忌廉、马卡风芝士做成主体，加入黑柠檬，口感轻柔而清新，而作点缀嘅黑糯米喺焗到爆开，咬落脆卜卜，此外，馅心内确喺有煮透烟烟韧韧嘅黑糯米，再配以甜度极高嘅日本芒果，混埋一齐食，味道多元，口感极具层次，真喺大满足。
Mango, Black Rice, Black Lemon
32 浏览
0 赞好
0 留言
Latte自从有次介绍表哥试试鲜奶咖啡之后，佢都钟意起呢一款意式咖啡，至于小弟，有睇过小弟啲咖啡店食评，都知我一向喺鲜奶咖啡嘅忠粉。虽然，眼前呢杯鲜奶咖啡嘅表面未做到完美平滑，但拉花唔错，图案对称，入口口感绵密且好均匀，完全唔使搅，每口都一致，足证咖啡店手势好，再者，豆靓出嚟嘅咖啡够醇香，已差唔的去边。
单睇价钱可能觉得有点高，但计及环境、服务、食物质素、菜式嘅配搭，可以讲性价比高，值得一啲纪念日子嚟豪一豪，平日嘅话更适合商务客人。由于呢度环境实在好，悠悠闲闲，两老表慢慢坐，细味香醇嘅咖啡，话题已由分享家族近况已转到退休事上，哈哈。
张贴
