影片
更多
2022-05-10
88 浏览
之前喺朋友IG Story见到有间装修好特别嘅餐厅，于是就问吓系边度嚟📸。原来系位于中环嘅「Veggie4love」，朋友话平日好爆场，所以我哋就决定星期六先嚟拜访。我哋亲身去到餐厅后，有一种闻名不如见面嘅感觉😍，因为环境真系好靓，由各式各样嘅装饰品，堆砌出美国五十年代怀旧复古风味🇺🇸。呢度每一张海报以至每一件摆设都能吸引人眼球。呢度系一间素食餐厅💚，而佢提供嘅系多国菜式，款式涵盖中西日韩星马泰，相信总有一款啱食。佢定价唔算平，但毕竟考虑到选址同埋食物质素，我认为系对得住个价钱，值得推介☺️。Oakland Breeze($138)，佢系越式捞檬🇻🇳🍜，面条用上粗身嘅米粉，质感烟韧爽弹，又挂汁，其中更加入咗青瓜丝以进一步提升口感。酱汁系餐厅自家制嘅有机檬汁，即使唔落鱼露，单靠柠檬汁同香叶都一样令人开胃🍋。𩠌料方面有外脆内软嘅炸豆腐同「炸虾」，后者其实系大豆炸物，酥脆嘅腐皮包裹萝卜条，双重脆卜卜。Soi Nam Chick’n Rice($148)，呢碟素海南鸡饭几可乱真🐔，虽然素鸡系大豆制品，口感及味道同真鸡无得比，不过造型就似到一个点，佢连鸡髀位都完美地模仿咗出嚟。🍚黄姜油饭色香味俱全
之前喺朋友IG Story见到有间装修好特别嘅餐厅，于是就问吓系边度嚟📸。原来系位于中环嘅「Veggie4love」，朋友话平日好爆场，所以我哋就决定星期六先嚟拜访。
我哋亲身去到餐厅后，有一种闻名不如见面嘅感觉😍，因为环境真系好靓，由各式各样嘅装饰品，堆砌出美国五十年代怀旧复古风味🇺🇸。呢度每一张海报以至每一件摆设都能吸引人眼球。
呢度系一间素食餐厅💚，而佢提供嘅系多国菜式，款式涵盖中西日韩星马泰，相信总有一款啱食。佢定价唔算平，但毕竟考虑到选址同埋食物质素，我认为系对得住个价钱，值得推介☺️。
Oakland Breeze
$138
16 浏览
0 赞好
0 留言
Oakland Breeze($138)，佢系越式捞檬🇻🇳🍜，面条用上粗身嘅米粉，质感烟韧爽弹，又挂汁，其中更加入咗青瓜丝以进一步提升口感。酱汁系餐厅自家制嘅有机檬汁，即使唔落鱼露，单靠柠檬汁同香叶都一样令人开胃🍋。𩠌料方面有外脆内软嘅炸豆腐同「炸虾」，后者其实系大豆炸物，酥脆嘅腐皮包裹萝卜条，双重脆卜卜。
Soi Nam Chick’n Rice
$148
8 浏览
0 赞好
0 留言
Soi Nam Chick’n Rice($148)，呢碟素海南鸡饭几可乱真🐔，虽然素鸡系大豆制品，口感及味道同真鸡无得比，不过造型就似到一个点，佢连鸡髀位都完美地模仿咗出嚟。🍚黄姜油饭色香味俱全，质感软熟，唯一挑剔嘅地方系饭量偏少。作为一个完整嘅海南鸡饭，佢当然包括小白菜、腌萝卜条同埋三色酱：酱油、自家制姜蓉以及辣酱。
Laksa Squid Balls
$78
11 浏览
0 赞好
0 留言
饮品方面🥤，我哋分别要咗Thai Organic Soymilk Iced Tea泰式有机豆冻奶茶以及Tieguanyin Lemon Tea柠檬铁观音，原价$48，午餐加配价$20。前者系泰式冻奶茶嘅味道，老实讲就唔系好饮得出用咗豆奶，可能因为炼奶味好出，甜甜蜜蜜。后者系无落糖嘅冷泡茶，再加埋柠檬，份外清新。题外话，餐厅系用不锈钢环保饮筒㗎♻️。
介绍完食物，就分享多啲餐厅嘅环境图片啦，每个角落都真系好适合打卡㗎✨。
总括嚟讲，呢间环球素菜餐厅好高质🌍，每道菜式均系大放异彩之作，令人回味无穷，惹味嘅程度唔会比肉类逊色。最后，店员们服务态度亦都好好，抵赞👍！
张贴
