影片
更多
2018-06-29
72 浏览
嚟The ONE食晚饭，都真系几多选择，最后同朋友拣左和食 「宏」。望入去有大大件和服挂住喺度，天花有啲七彩圆圈灯，都几吸睛。今晚同朋友都饿底，食左好多嘢呀！纯日本白烧鳗鱼定食，当然最特别系白烧鳗鱼，好少地方有得食。有四种食法：日本芥末和酱油、柚子酱油、盐、鳗鱼酱，其实仲可以加多两款：七味粉、山椒粉。每款都可以试吓，我最钟意少少酱油加山椒粉，味道好清新特别。白烧鳗鱼唔算好厚身，但就非常弹牙，而且无骨，食得滋味。和风牛肉饭套餐睇相片系吉野家牛肉饭咁嘅款，嚟到竟然系三色椒洋葱牛肉粒饭，同我地想像中真系差好远，虽然味道唔错，但真系几失望。希望MENU能够更改返幅图，或者改返个煮法……跟餐的抹茶小蛋卷，细细件，超好食，低甜又绿茶味浓。日本草莓沙冰问左店员系咪新鲜日本草莓制，佢答系，所以先叫。味道清甜，好香既士多啤梨香味，用味十足。宇治抹茶沙冰抹茶软雪糕抹茶沙冰同软雪糕都系低甜又超浓抹茶味，个软雪糕系好大个架。抹茶窝夫栗子蓉打成慕丝，再加左两块抹茶曲奇。最估唔到系抹茶窝夫入面都系好浓绿茶味，必食。咖啡冻巧克力慕思芭菲最底系咖啡啫喱，食落甘中带点苦。最好系配埋上层啲慕丝一齐食，好夹。中间仲有层蛋
今晚同朋友都饿底，食左好多嘢呀！
纯日本白烧鳗鱼定食，当然最特别系白烧鳗鱼，好少地方有得食。有四种食法：
日本芥末和酱油、柚子酱油、盐、鳗鱼酱，其实仲可以加多两款：七味粉、山椒粉。每款都可以试吓，我最钟意少少酱油加山椒粉，味道好清新特别。
白烧鳗鱼唔算好厚身，但就非常弹牙，而且无骨，食得滋味。
和风牛肉饭套餐
睇相片系吉野家牛肉饭咁嘅款，嚟到竟然系三色椒洋葱牛肉粒饭，同我地想像中真系差好远，虽然味道唔错，但真系几失望。希望MENU能够更改返幅图，或者改返个煮法……
跟餐的抹茶小蛋卷，细细件，超好食，低甜又绿茶味浓。
日本草莓沙冰
问左店员系咪新鲜日本草莓制，佢答系，所以先叫。味道清甜，好香既士多啤梨香味，用味十足。
宇治抹茶沙冰抹茶软雪糕
抹茶沙冰同软雪糕都系低甜又超浓抹茶味，个软雪糕系好大个架。
抹茶窝夫
栗子蓉打成慕丝，再加左两块抹茶曲奇。最估唔到系抹茶窝夫入面都系好浓绿茶味，必食。
咖啡冻巧克力慕思芭菲
最底系咖啡啫喱，食落甘中带点苦。最好系配埋上层啲慕丝一齐食，好夹。中间仲有层蛋糕，一杯有几层口感，唔错。
一餐之中有甜品作结真系好满足，最钟意就系一条龙嘅餐厅，有埋甜品食，唔驶食完饭再去揾甜品舖。而且呢度甜品出色仲要又浓又低甜，我钟意！
张贴
