kikusan (已結業)

今日由于早收工嘅关系， 我同友人去到希慎嘅kikusan食晚饭， 可能因为时间尚早， 入边客人不多。 佢menu 款式好多，中日fusion为主， 本身我哋想要寿司拼盘，但系侍应话冇晒海胆，所以我哋都放弃咗啦。今次我想介绍既系两款甜品， 绿茶红豆驴打滚，同埋 日式年糕配云呢拿汁及大叶汁。 首先系绿茶红豆驴打滚， 睇个名都觉得几得意， 其实佢系绿茶糯米糍包住红豆馅， 然后再洒上绿茶粉花生砂糖芝麻等等捞埋一齐食。 食嘅时候糯米糍有微温， 感觉上烟烟靭靭唔会太硬， 入边嘅红豆都唔会偏甜，友人 认为糯米糍大少 ， 但我就觉得啱啱好， 太多嘅话反而会觉得溜， 我哋仲清晒表面既绿茶粉添! 另一款就系日式年糕， 下面白色部分系云呢拿汁， 年糕表面嘅绿色部分就系大叶汁。 个人认为呢款甜品比刚才𠮶个更加特别， 年糕表面有火炙嘅味道， 相信师父用火枪轻轻烧过， 云呢拿汁以香为主，味道唔浓， 反而绿色嘅大叶汁味道比较出，有少少草青味， 唔肯定系咪个个人都喜欢， 不过个人嚟讲就觉得几特别。其实我哋同时仲叫咗小笼包等等美食， 不过感觉上普通， 未去到值得介绍嘅水平。 小笼包皮薄多汁， 但入面嘅猪肉略嫌有点散，