甜椰坊自家制甜品專門店 (已結業)

今晚同朋友系大埔lee边闲逛，刚好肚仔饿饿地，经过甜椰坊门口见到今晚客人唔算太多，决定入嚟食返餐先。入到嚟坐低打开个餐牌，发觉里面好多甜品嘅价格都好抵食咯，样样睇落去都好似好好味咁，一下决定唔到食乜先，好难选择啊，霖咗一下，最后点咗一个燕窝杨枝甘露，同埋一个巴芙山。杨枝甘露系甜品店嘅特色，我哋每次食甜品都几乎会点一份，好食又营养，今次再加上有燕窝系入面，肯定更加香滑滋润喇。而巴芙山就系卖相吸引口感又唔错嘅甜品，天气热果阵食佢就至消暑喇。等咗一阵两个甜品就上餐了，果然好有效率，燕窝杨枝甘露嘅材料好足啊，真系可以见到晶莹剔透嘅燕窝系柚子粒下面，份量仲几多下添，老板真系落重料喔，味道同之前食开嘅杨枝甘露差唔多，胜在羹羹都食到西米同水果，唔会因为价格优惠而偷工减料，lee点要比个大大嘅赞先，巴芙山嘅味道都唔错，士多啤梨新鲜多汁，泡芙又脆又甜，雪糕也香滑，值得一试啊！