蜜密 (已結業)

甜蜜密比利时朱古力窝夫（$52） 窝夫卖相一流，铺满朱古力酱，朱古力味都算系浓，岩晒甜魔。窝夫热辣辣上枱，可惜因为太多酱既关系，食得慢既会淋左啲。Honey secret🐝 ($98) 上枱之前真系完全估佢唔到系咩黎架，好紧张！到上枱之后，真系要相机食先😍，系一个糖丝整出黎嘅大波...咦，未得住，原来仲内有干坤！ 掀开个波，原来入面仲有朱古力馅拿破伦。 你以为咁就完😏？仲未！波波下面仲有朱古力酱可以用黎点拿破伦！食呢个甜品嘅时候司令真系觉得好惊喜，唔怪得叫honey secret啦。益力多沙冰（$28） 食甜野既时候禁不住要叫杯野饮清下喉咙，所以司令叫左益力多沙冰🤓。冰打得够碎，益力多一啲都唔姑寒，饮落好似细个将益力多雪系冰格之后拎出黎食咁。以后元朗又多个好选择啦。