Nisugu (雙子匯1期)

营业中

休息中

小店位于最近新开幕嘅The Twins，主打多款西班牙菜，前菜、小食、主食、甜点、饮品，另外提供周末Brunch同Weekday Lunch Set。店内装潢简约，设有室内同户外位置，约埋一大班朋友上嚟食饮酒就啱晒啦！主食有寿喜烧牛肉乌冬，面条软硬度适中，吸满咸甜嘅寿喜烧酱汁，牛肉嫩滑多汁、肉味突出、薄切唔嚡，捞埋蛋黄啱啱好。饮品有AKI同UJI，前者系焙茶荔枝梳打水，甜度适中，饮落清爽、后者加入威士忌、抹茶、柚子、柠檬、蜜糖等，淡淡酒香气，赞👍相比之下会话呢度嘅甜点质素极高，黑芝麻同72%香浓朱古力巴斯克蛋糕味道浓郁，同时唔会盖过芝士香气，口感绵密，软熟、法式西多士厚度适中，外层酥脆，内里松软，上面放埋邪恶嘅流心焦糖炖蛋配合桃碎同lotus饼，令人一试难忘。布甸有杂莓焦糖同咖啡口味，前者偏甜，后者香浓，各有千秋。而黄豆粉同抹茶蕨饼就正常发挥，烟烟韧韧，试试无妨。