熊小館 (已結業)

系荃湾唔知食系边食生日饭好，朋友话呢间可以有生日餐食，所以就黎试下，其实地点都几方便，系愉景新城商场里面，行完街shopping完，可以慢慢叹，生日餐既款式都唔错㖞，拣左个西冷牛扒配鲜磨菇，5成熟配烧汁，西冷牛扒大小刚刚好，有小小筋会有小小口感，汁不太浓，唔会盖左件扒，令件肉冇晒鲜味，店长叫我细心品尝个汤，系特别做，青口薯蓉汤，又真系几特别，好棉口又有小小青甜，不同一般忌廉汤，重点系个生日甜品，要大赞好有心思，令到整餐本来系谂住平淡既生日餐会好有特色，心太软蛋糕，个流心刚刚好，一切开就会流出黎，有浓浓既朱古力酱，好好味，好开心呀，店长仲好好人送左只熊啤啤比我做生日礼物