Mee...lemongrass (已結業)

友人安排左食呢间同我庆祝生日，好有心。大家啱啱蒸完脚好饿，拿拿声叫左一堆野食。食物上得好快，我地都食得好快，首先食海南鸡饭，啲鸡斩得唔好痴住哂，但味道ok，个油饭一般，有啲硬，呢排戒左菜，食菜嘅任务由两位友人顶上，个油菜佢地话唔好食，但个例汤就好味。然后试缅甸咖哩，出奇地好味，牛腩唔硬，加埋松饼一齐食相当唔错！再试埋煎蚝蛋饼，唔系好食到有蚝，但以煎蛋黎讲都几好味！食食下发现碗喇沙摆左好耐唔记得食，入面有油面mix米粉，油面唔好食，好重枧水味，但汤底都正常。最后叫左印度拉茶，睇住佢真系拉到好高，友人都大赞好香茶味，好出色！