柴門西餐廳

营业中

休息中

生日就梗系揾个理由食好西啦！不过而家疫情爆得好犀利，去旺区食o野又唔系好安全咁，始终人流太多啦。又想食得满意又想放心，自不然谂到柴门。上几次o黎到都遇唔倒牛柳，好回味，今次即管试吓有无得预留牛柳，店家好友善，愿意安排餐牌以外菜式，提一提大家，法式油封鸭腿都有得预留。汤系蘑菇汤，仲有面包同埋有橙汁o既春卷沙律。面包好软熟又实在，配上浓浓蘑菇味又够热o既蘑菇汤好出色。每次o黎呢度食沙律，除o左用料新鲜外，个 dressing 都系用生果造成，效果就系食落好清新唔会油腻（年纪大爱养身，放落肚要好味亦要对身体好）。主菜系阿根廷牛柳，有一段日子无食佢o既牛柳，无令我失望。油脂低但肉味重，而且亦都腍身唔会鞋，再加上个面有少少焦同脆身，加埋好好味，唔驶点汁都足够啦。Happy Bday to me~ 甜品我拣左辣椒朱古力饼，香浓朱古力配上一点辣，食多件都仲得。另外，屋企人今次嗌o左法式煎焗鲜鸭胸 跟 煎鸭肝，估唔到法国鸭胸可以咁多肉，而且好重肉味，唔知我以为食紧鹅呀。员工有礼充满笑容，除左环境舒服倾倒偈，食物好味（要持续保持质素唔系易事），员工服务亦佳，都好难唔做回头客。