影片
更多
2018-09-11
483 浏览
早前男友生日，每年都会去同佢食餐好嘅庆祝。继上年试完法国菜，今年我地挑战omakase – 厨师发办。为左隆重其事，今次都上网睇左港九区大量的高级日本菜餐厅，最后拣左间菜式比较独特，又唔止系食寿司或铁板的omakase。呢间餐厅位于湾仔，面积唔大，晚市只做omakase厨师发办，而且我订枱嘅时候要求坐吧枱，职员同我讲话夜晚的omakase只开放吧枱坐，叫我可以放心。当晚有2款omakase套餐可选，分别系$1200套餐 (可品尝15种菜式加卷物) 及$1500套餐 (可品尝18种菜式加卷物)，我见$1200 已有咁多野食就拣左前者试试。我地一去到坐左阵，睇住师傅同个助手好用心咁准备黎紧嘅菜式。前菜有3款，上碟摆盘好精致，充满日本风情，serve 嘅女仔话要先食粟米、腐皮再食个螺。前面白色嘅粟米来自北海道，师传话叫做「未来粟米」。本身睇个样好似「干争争」，点知一咬落去好多汁又好爽甜，完全同个样系两回事！跟住嘅日本腐皮都好有惊喜，豆味好香浓，而且好滑溜！个螺唔记得左系咩螺，都好弹牙鲜甜。食完道前菜令我好期待黎紧嘅菜式！「好大只蚝啊」，我真心尖叫左出声，虽然唔系无食过咁大只，但估唔到omak
早前男友生日，每年都会去同佢食餐好嘅庆祝。继上年试完法国菜，今年我地挑战omakase – 厨师发办。
为左隆重其事，今次都上网睇左港九区大量的高级日本菜餐厅，最后拣左间菜式比较独特，又唔止系食寿司或铁板的omakase。
呢间餐厅位于湾仔，面积唔大，晚市只做omakase厨师发办，而且我订枱嘅时候要求坐吧枱，职员同我讲话夜晚的omakase只开放吧枱坐，叫我可以放心。
当晚有2款omakase套餐可选，分别系$1200套餐 (可品尝15种菜式加卷物) 及$1500套餐 (可品尝18种菜式加卷物)，我见$1200 已有咁多野食就拣左前者试试。
我地一去到坐左阵，睇住师傅同个助手好用心咁准备黎紧嘅菜式。前菜有3款，上碟摆盘好精致，充满日本风情，serve 嘅女仔话要先食粟米、腐皮再食个螺。
前面白色嘅粟米来自北海道，师传话叫做「未来粟米」。本身睇个样好似「干争争」，点知一咬落去好多汁又好爽甜，完全同个样系两回事！跟住嘅日本腐皮都好有惊喜，豆味好香浓，而且好滑溜！个螺唔记得左系咩螺，都好弹牙鲜甜。食完道前菜令我好期待黎紧嘅菜式！
「好大只蚝啊」，我真心尖叫左出声，虽然唔系无食过咁大只，但估唔到omakase有得食质素咁高嘅肥美北海道真蚝！
真系好似我只手掌咁大！师传预先加左少少酱油同紫菜调味，令真蚝嘅味道更加升华！真系打打下都好想食！
跟住落黎就系各种日本空运嘅鲜甜刺身！忘了提，芥末也是未开始食之前见师傅叫助手新鲜即磨的！带子刺身同赤贝刺身好爽甜，唔会淋，我是没有点芥末蓉食的。
深海池鱼很是肥美，师傅连上碟造型也是一丝不苟的。
跟住落黎嘅白虾刺身配铿鱼内脏真系好香好好味，大推！
师傅表示日本白虾系全世界最细嘅虾，唔好睇碗仔细细，入面有20-30只日本白虾，食之前先将日本白虾及铿鱼内脏捞匀。白虾超鲜甜，肉质嫩滑，配埋铿鱼内脏嘅甘香，一道令人不能忘怀嘅菜式！师傅仲话呢道菜式系香港无咩地方可以食得到！
跟住小休一阵，师傅安排左自家腌制嘅牛蒡俾我地试下，清清味蕾之余又可以慢慢睇师傅准备黎紧嘅菜式。
呢道汁煮鲍鱼，我相信系炖煮左好耐，鲍鱼、香菇同大根都好入味，不过我觉得味道浓左少少。
另一惊喜好味之作系呢个紫菜包住嘅烧带子配海胆！个带子超大只同厚身，师傅用火枪轻轻烧一烧表面，再夹入大量海胆，一口咬落去好香，而且海胆味好出，唔会被烧香嘅带子抢左风头，绝对系必食之一。
小妹去日本菜餐厅最中意就系食茶碗蒸，因为好中意食个滑溜嘅蒸蛋。呢度嘅海胆三文鱼子茶碗蒸可以话系我食过最好味嘅茶碗蒸，而且出外日本餐厅都好少见呢个配搭。三文鱼子咬落爆晒啲汁出黎，少少咸咸地配上清清地嘅滑蛋，两者味道都提升晒！再加上鲜甜海胆，不用我再形容都知好香甜啦！
之后就到寿司啦！除左采用时令嘅食材例如肥美嘅秋刀鱼之外，配料的搭配同做法都充满惊喜，等我同大家分享几款令人回味嘅寿司。
首推的是呢款唔似海胆寿司嘅寿司。师傅表示，出面食到嘅海胆寿司都系直接将海胆放系寿司饭上面，不过他却是先将海胆处理，更谓此做法全港只有2间。真开心可以试到咁独特嘅海胆寿司！虽然个样唔讨好，不过一食就会惊叹海胆嘅鲜甜味同寿司饭结合得好出色！齿颊留香，味道久久未散。
另一款系下面嘅喜之次鱼寿司配黄芥子。喜之次鱼烧得刚好，充满油脂香味，配上微辣嘅嘅黄芥子，味道层次丰富！
鲭鱼西京烧就食得多，鲭鱼刺身寿司真系少食。呢款鲭鱼寿司肉质鲜嫩，配上芝麻，更添香气。
时令嘅秋刀鱼寿司好鲜甜！
师传特登系上碟前大力拍一拍北海道石垣贝，令佢挺身，仲好贴心咁问我地系拍片定影相添！
咸香嘅筋子寿司
入口即溶嘅中拖罗寿司
即完寿司就黎一碗铿鱼汤暖暖身，并准备好迎接黎紧嘅饭同甜品。汤入面有铿鱼片、紫菜、同豆卜(好似系)，用料十足，好清甜。
接著嘅碎吞拿鱼手卷亦系难忘之作。师傅首先将吞拿鱼切碎，然后用火枪烧鱼片，将烧鱼所得嘅油脂滴落吞拿鱼粒之中(鱼片并非用黎食，只系想要佢啲油脂)，再拌入其他配料，味道好丰富甘香！
最后以一道绿茶奶冻配红豆作结。不过，估唔到师傅连甜品都自己制作！绿茶奶冻绿茶味突出，红豆微甜，唔会抢左绿茶奶冻嘅味道。
由7点食到10点半，咁就过左完美嘅一个晚上。
张贴
