影片
更多
2013-08-19
1473 浏览
今日系我生日，已经拣左好耐食咩好。见呢度既磨菇汤同面包蟹意大利饭好吸引，所以就决定黎呢度庆祝生日。地方比我想像中细，只有十几张枱，不过咁都好，静D。我地坐系窗边，可以望到希慎，见到街上人来人往，而我地就坐系浪漫有气氛既环境度食饭，感觉好得意。一坐低待应就点著枱上既蜡烛，更添浪漫气氛。上左一杯冻水、一杯暖水。但其实我地都想饮冻水，如果上之前可以问一问会更好。俾左两个MENU同WINE LIST我地，侍应姐姐话仲有个2人SET既MENU但另一个客睇紧，要等一等。一等就十几分钟......原来个2人SET MENU SAVE左系部IPAD度，但其实只系一份NOTES，无图片净系得字。我觉得可以PRINT出黎就得，唔需要咁样将部IPAD传来传去。我唔介意一张A4纸做MENU，但介意等MENU都要等咁耐。最后我地都拣左2人SET，前菜系生牛肉沙律同慢煮三文鱼。侍应姐姐话前菜唔岩食可以转其他，咁就非常好，因为老公唔食牛肉，所以转左龙虾云吞。叫完野食就上左呢个，蒜蓉包好脆好好味。蕃茄加醋估唔到咁好味，够清新可以减低蒜蓉包既油腻感。转左既前菜，龙虾云吞。好香龙虾味，绝对唔系罐头味，云吞皮够滑同薄，唔会
地方比我想像中细，只有十几张枱，不过咁都好，静D。
我地坐系窗边，可以望到希慎，见到街上人来人往，而我地就坐系浪漫有气氛既环境度食饭，感觉好得意。
一坐低待应就点著枱上既蜡烛，更添浪漫气氛。上左一杯冻水、一杯暖水。但其实我地都想饮冻水，如果上之前可以问一问会更好。
俾左两个MENU同WINE LIST我地，侍应姐姐话仲有个2人SET既MENU但另一个客睇紧，要等一等。一等就十几分钟......原来个2人SET MENU SAVE左系部IPAD度，但其实只系一份NOTES，无图片净系得字。我觉得可以PRINT出黎就得，唔需要咁样将部IPAD传来传去。
我唔介意一张A4纸做MENU，但介意等MENU都要等咁耐。
最后我地都拣左2人SET，前菜系生牛肉沙律同慢煮三文鱼。
侍应姐姐话前菜唔岩食可以转其他，咁就非常好，因为老公唔食牛肉，所以转左龙虾云吞。
叫完野食就上左呢个，蒜蓉包好脆好好味。蕃茄加醋估唔到咁好味，够清新可以减低蒜蓉包既油腻感。
转左既前菜，龙虾云吞。好香龙虾味，绝对唔系罐头味，云吞皮够滑同薄，唔会接口位一旧旧，入面亦食到龙虾肉。
个忌廉汁好好味，但觉得三文鱼过熟。我钟意食既系外面煎到好脆，但入面仲好生既。呢度就煮到差不多成旧熟哂，可能就系慢煮？我觉得无咩特别。
老公叫左龙虾汤，，好香浓龙虾味，仲有龙虾肉，老公好喜欢。我叫左黑松灵磨菇汤，够浓够CREAMY，啖啖都有磨菇蓉，系我钟意既口感。加埋黑松露好香，但老公就觉得太浓磨菇味，接受唔到。果然唔系好多人识欣赏磨菇汤。
主菜到，黑毛猪唔知咩。老实说黑毛猪唔好食，鞋口，同瘦叉烧无分别。我唔识分系黑毛猪唔靓定煮得唔岩，但我食过好好味既黑毛猪。配菜薯仔爽口好味，原个蒜头都有煮过，但我无食过，老公话唔错。
我最期待既意大利饭，几钟意佢既口感，饭既软硬度同湿度都适中。但我完全食唔到有蟹肉，净系食到饭都磨菇粒。欣赏黑松露分开上，可以按自己喜好调味。我老公唔钟意黑松露，所以我可以一个人用哂黎捞饭，香味浓郁到不得了。
老公叫既焦糖炖蛋，我试左一啖，奶味浓郁，但略嫌唔够暖，雪柜岩岩拿出黎既感觉。我既朱古力芭菲本身已经好浓朱古力味，加埋暖笠笠既朱古力酱，无敌。但食得多会觉得腻，如果加番啲酸酸地既生果，可以中和一下更好。
题外话/补充资料：
环境同服务非常好，食物系贵价，但食唔出贵价既感觉，烹调方面可以再改善。
(以上食记乃用户个人意见 , 并不代表OpenRice之观点。)
张贴
