三日月

营业中

休息中

今年既生日饭，黎试下三日月。系假日既晏昼去食，除左包间，都满坐，所以要食既吃货们要提前订位啦。*日本赤鲍鱼鹅肝和牛二人前套餐*～前菜有三道，最特别系烟熏鸡肉刺身，第一次食鸡肉刺身，口感烟韧，十分特别。～生蚝有手掌咁大只，非常鲜甜，应该系近呢几年食过最好食嘅生蚝！同黑门市场有得比！～日本赤鲍鱼鲍鱼非常新鲜，口感系爽口，但系个酱有少少偏咸。～香煎鹅肝入口即溶，鹅油非常之香，配埋铁板烧蔬菜，唔会太油腻。～A5宫崎和牛牛味浓郁，油脂丰富，好彩份量唔大，唔系嘅话会好油腻。～铁板烧炒饭好香樱花虾味，食到一半，加入茶，变成茶渍饭，又系另一番风味。整体嚟讲，价钱虽然有啲贵，但系质素系对得起个价钱嘅，所以性价比高。但系因为唔系坐卡位，所以就会少咗一种食铁板烧嘅感觉。