影片
更多
2019-11-08
4987 浏览
对唔食蚝同红肉嘅我黎讲，如果去到一间食物选择超级多嘅buffet，已经觉得系回本嫁喇。一来选择多嘅有啱我食嘅款式都会多啲啦，二来就系可以每次拎完食物返埋位时同朋友讲「原来果边仲有嫁」，都总比好过讲「撒莉亚仲多嘢拣啦」😎所以见到好多食评话呢间选择好多，我就趁生日时试下🙃但可能之前见识过普庆示范咩叫多款式(仲系lunch buffet)，去到呢间真系有啲失望😅感觉朗豪酒店The Place或佐敦品坊都比较多。冻食嘅有：刺身，约6款：三文鱼、带子、希灵鱼、吞拿鱼、八爪鱼、赤贝。试左三文鱼，新鲜肥厚😋朋友试左带子，问佢好唔好味，佢话豉油好咸😀可能要问佢豉油咸唔咸先会知道带子好唔好味👍🏻寿司：约4款，一盘盘叠高放喺拎刺身个counter，仲有玉子、蟹籽、蟹柳放喺度。寿司冇试到，试左隔离兜姜片，几好味。海鲜：冻虾、雪场蟹、龙虾、青口、螺。试左冻虾，有啲痴壳。回本蚝就有独立专区同两个职员帮手开壳冲水，经常见到人排队，但我冇试唔知味道点🙃沙律：有唔少菜类同配料、酱俾人自己捞，亦有啲捞好其他：有火腿片、鹰嘴豆泥、虾片、墨西哥玉米片、面包等热荤方面，餐厅冇特别将食物按地方咁放，好似中东烤鸡果度会有炸天妇罗
所以见到好多食评话呢间选择好多，我就趁生日时试下🙃但可能之前见识过普庆示范咩叫多款式(仲系lunch buffet)，去到呢间真系有啲失望😅感觉朗豪酒店The Place或佐敦品坊都比较多。
冻食嘅有：
刺身，约6款：三文鱼、带子、希灵鱼、吞拿鱼、八爪鱼、赤贝。试左三文鱼，新鲜肥厚😋朋友试左带子，问佢好唔好味，佢话豉油好咸😀可能要问佢豉油咸唔咸先会知道带子好唔好味👍🏻
寿司：约4款，一盘盘叠高放喺拎刺身个counter，仲有玉子、蟹籽、蟹柳放喺度。寿司冇试到，试左隔离兜姜片，几好味。
海鲜：冻虾、雪场蟹、龙虾、青口、螺。试左冻虾，有啲痴壳。回本蚝就有独立专区同两个职员帮手开壳冲水，经常见到人排队，但我冇试唔知味道点🙃
沙律：有唔少菜类同配料、酱俾人自己捞，亦有啲捞好
其他：有火腿片、鹰嘴豆泥、虾片、墨西哥玉米片、面包等
热荤方面，餐厅冇特别将食物按地方咁放，好似中东烤鸡果度会有炸天妇罗。食火腿、芝士果度又会见到一盘烤蕃薯。
我食过又觉得ok嘅就有🍕素薄饼好味，可能热，面包好松软同🦞焗龙虾。
多人排队就有鹅肝多士。即制生滚粥就间唔时见到人龙，佢好似系餐厅嘅悉尼墙添，朋友试左一碗话几好味，有蟹味🦀
反而我今次食甜品多，除左一般切饼、奶冻杯外，果度有几款榴梿嘅甜品，钟意榴梿嘅可以试吓。即场整嘅有pancakes、梳乎厘。仲有啲炖布甸、豆腐花、红枣桂圆茶等。雪糕就系盒装果种，有杯仔雪糕或雪条，隔离摆左啲topping 俾你加，但其实我想要嘅系个筒，所以冇食到。
我食左好多件嘅系芒果拿破仑，试左窝夫，佢比格仔饼细但厚，味道一般。
张贴
