蠔灣 (已搬遷) 新店位置

今日出咗粮，一于今晚食蚝d,一向劲钟意食生蚝，有朋友介绍话呢间d蚝品种多又新鲜，于是今晚就去试吓。都唔难揾，喺利时隔离，一入门口即刻有店员安排座位同介绍同今日有咩special比我地，我地d蚝由店员发板，再自己加其他野食。店员介绍我地食6款蚝，由顺时针开始食，由淡味食到浓味，每款蚝都劲新鲜完全唔腥，即开生蚝系唔同d,完全唔使点酱同加柠檬汁，可以食到佢嘅原味同鲜甜。我地再叫咗个龙虾set,都几抵，有龙虾刺身、龙虾汤同龙虾意粉，d龙虾刺身爽口弹牙鲜甜，个汤劲浓郁嘅龙虾味，入面仲加咗龙虾肉去煮，而龙虾意粉都有劲多龙虾肉，个意粉冇overcook仲好烟韧弹牙，意粉个汁都好creamy,呢个餐非常唔错。仲有叫咗带子刺身，劲厚肉，系大size嘅带子刺身，食落好鲜甜，刀背蚬爽口重海水味，另外叫咗地中海红虾，呢款虾真系劲好食，个肉质劲鲜甜爽口弹牙，好浓虾味，个虾头嘅膏劲正，甜过其他种类嘅虾好多，必点。焗西班牙黑毛猪排配松露忌廉汁，个黑毛猪劲juice,完全唔鞋，猪排上面仲有好多松露粒粒，配埋忌廉汁一齐食，唔错。