卡莎338 (已結業)

姑姐生日话食生蚝，记得公司附近有间餐厅食生蚝好平，见网上口卑唔错，决定放工带姑姐黎左呢间食。今次目标主要食生蚝，所以就叫两个晚餐加一份5款生蚝set 。生蚝拼盘，一次过食晒5款生蚝，大中细齐哂😆，最细果款系最平$10只，肉身不大，口感爽口，海水味重。而韩国款姑姐大爱，新鲜，肉厚，海味最十足。最大果2只生蚝很肥美和鲜甜，海水味浓，食完口内回甘，好正！黑松露野菌鲜虾意大利饭，意大利饭既饭有一点外软内韧的感觉，很Creamy，黑松露野菌香味浓郁，虎虾大大只，中间已剪开一半，令蒜香味突出，非常入味，仲方便进食。👍🏻厚肉美国牛脷，黎到哗左一声，牛脷有成4大块，每一件都厚切，份量十足，望落以为食紧牛扒😆。肥美的牛舌，爽滑嚼劲。 加埋铁阪烧汁，大满足。