Feast Oyster Bar and Restaurant (已結業)

星期六放假嚟到中环「Feast Oyster Bar & Restaurant 」食生蚝放题。呢度除咗任食生蚝之外，仲有12款小食都系任食。今次任食嘅生蚝系来自日本嘅蚝叫「真牡蛎」，啲生蚝嚟到嘅时候，估唔到咁大只，我以为日本嘅蚝系细细只，原来唔系，肉身亦几厚肉，啲生蚝仲要系即叫即开。而且每位客人都会有一客蒜香牛油焗西澳龙虾（半只）及孔雀鲍鱼（两只）。龙虾肉好弹牙，鲍鱼好淋，唔错。至于12款小食就有：脆炸洋葱圈、招牌单骨鸡翼、BBQ酱烧猪肋骨、啤酒脆浆炸薯条、招牌巴马火腿手工薄饼、肉酱意粉、叁峇青口炒饭、炸芝士酿墨西哥辣椒、西班牙炸薯球、西班牙蒜片大虾、西班牙辣蕃茄酱拌马铃薯、西班牙蕃茄酱烩肉丸，呢12款小食都系任食。仲可以加$78任饮：红酒、白酒、Sangria、汽水、咖啡&茶（不过我无钱💸，所以无加😜如果唔系⋯⋯放假喺度两个钟，食下生蚝🦪饮杯酒🍷都几chill。）