滷府 (已結業)

之前lunch有食过呢间，最近经过见佢有生酮系列，系椰菜花饭！系呢头附近支持生酮餐单嘅先驱！真系无见到其他餐厅有呢样野！平时义烧烧味一定系配饭，但又多汁又油加埋饭，对普通人都唔健康啊！同埋整椰菜花饭系巨麻烦！会切到发脾气！切到放弃！师傅就喺门前嘅玻璃入面切野，等嘅时候完全唔会无聊，睇住佢整。特选卤味饭有猪五花腩肉，红肠，猪耳同墨鱼嘅全日套餐，每样野都有4旧。帮我拣埋唔洗谂，直接转生酮组合，有椰菜花饭同翠肉瓜面，真系零罪恶感！墨鱼好爽口，猪耳劲有咬口。再加份鹅红，平时好少见，都未食过。饭本身仲跟半只卤蛋，腐皮同酸菜。几好食，淋咗酱油都唔系太咸，其实个餐蛋白质够多，就算无饭无淀粉质都会劲饱！香港人好多时都食唔够蛋白质，太多淀粉嘅恶劣饮食习惯主导。