小杬館食坊 (已結業)

有时屋企几个人放左工一切出街食都几好架，餐厅虽然无华丽既装修，但餐厅既职员都好亲切，仲比我地见番D公鸡碗筷，好有怀旧既感觉。先黎一个白肺汤，妈咪同餐厅职员都强烈推介，话猪肺好有益，不过我就好怕食猪肺，汤就饮左三碗，唔会好油，亦无味精，夏天饮多D都得，可以消消暑清清热。饮完汤上菜啦… 有煎炸香口的莲藕饼，小小一个，没有太多炸粉，充满家乡风味，旁边仲放左少少炸纸菜，有D似韩国海苔，咸咸脆脆好开胃。再来一只企鹅鸡，大家睇睇，真系好搅笑，店员端出黎，即刻计叫我地快D影相，影完会拎番入去切，佢见到我地咁开心，好似都唔想返入去厨房咁。我地用公鸡碟分烧鸡食，皮脆内软，如果用大D既鸡黎烧，就会淡淡肉，不过而家中型size既鸡会滑D。甜品我地拣左一笼马拉糕，真系好好味，呢度系即叫即做，出黎热辣辣好香好香，食落口好软熟又唔会好甜，超Like，似终新鲜出炉，的确系必食之选。