Noren (已結業)

听闻尖沙咀赫德道新开一间专食日式豚丼嘅小店Norenのれん，小店两字早已令我深感兴趣，而店舖名字のれん意思指门帘，配上其简单装修，感觉实在有趣。开门时日籍店主一句有趣的广东话"欢迎"，更令我有温暖感觉，加上食物有一定水准，确实值得向大家推介...午餐时段餐牌选择唔多，当然必试嘅就系豚丼定食($57)。豚丼定食卖相非常对办。大大块的猪肉源来自北海道嘅猪肩肉，望落肥瘦均匀，闻落香喷喷，未食就已经流晒口水...猪肩肉入口感觉好美妙，瘦肉部份咀嚼时觉得有少少带肉香嘅烟韧，而脂肪部份食落极甘香，唔会有肥腻令人却步感觉，配埋热辣辣嘅日本米饭，香滑蛋汁同埋少少甜嘅烧汁，好味到不得了！呢度嘅咖喱据称系由北海道人研制烧出黎，听起上黎几吸引，所以亦试左呢份咖喱猪扒定食($60)，同样有最基本嘅定食配套，面豉汤跟前菜当然少不了...日本人一向喜爱食甜咖喱，而呢度食到嘅亦系我最爱果种，闻落亦香味十足，食落味道香浓而唔辣，用来送饭绝对系天生绝配！猪扒外层薄皮香脆，内层猪扒油脂丰腴，相当具级数。有一点要弹一下，皮肉之间感觉较为松散，食落少左一份协调感觉，但整体上都算唔错。其实提起豚丼，不其然令我想起十胜豚丼，但两