木船 (已結業)

难得返大埔留宿，就同大埔老友食个便饭顺便庆祝生日，今次有惊喜呀！出发前睇下食评见价都好高，都有期望去食架~但无失望㖞。我地六点就到左做第一枱客，初初安排左我地坐近厨房的位置，野食一到就好多蚊仔....跟住店员都好有心地帮我地调位，太有heart喇！早到就唔驶等位(闲日)大概七点未够已经坐满晒，七点半到的话已经要等6-8张枱喇，价钱唔算好贵、食物质素高、店员友善、上菜快，无限时、唔会赶人走。由于招牌菠萝炒饭配虎虾太强劲的关系，我见到每枱两位以上都系must order，味道系有惊喜，劲多提子干，菠萝又够清甜～食完成餐饭都唔会好口干，个青咖喱都好味～我杯椰子十胜红豆冰条都好正，真系成支红豆雪条插落去架，食得好开心！系绝对会encore的店子，住附近的都值得早啲去食㖞。