一虎 (已結業)

喺中环食lunch 就多，食晚餐真系比较少。今日几个朋友都咁啱去中上环，就约埋一齐，当中有个朋友好钟意食拉面，佢拣咗呢间嚟食。店舖细细，门口亦唔起眼，夜晚时段嘅中上环比中午轻松得多。。。经店员介绍，我地点咗一虎拉面，海老虎拉面，黑虎拉面，再加忌廉蟹肉饼，自家制饺子同自家制炸鸡。一虎拉面，系最多人点嘅拉面，浓厚嘅汤底加上非常挂汤嘅卷曲面，真系配搭得好合适。海老虎拉面，一嚟到就已经闻到好香嘅虾味，再饮一啖，真系好惊讶！海老虎系喺原有汤底加秘制虾味酱再加樱花虾，好特别！黑虎拉面，一睇就知汤底系黑蒜油。味道浓郁而不太腻，钟意蒜味嘅朋友一定要试！至于小食，炸鸡都好食，外脆内软。饺子就正正常常，忌廉蟹肉饼食唔出有蟹，只有一大泡忌廉。