茶屋達磨 (已結業)

夏天天气太热，已经好耐冇去户外行吓啦！趁住近排凉返啲啲，即刻去咗转坪洲活动下～郁完肚仔有啲饿，就入咗呢间舖头食lunch，唔知系咪因为饿饿地，料理质素唔错，味道几好食˵¯̴͒ꇴ¯̴͒˵对于活动完嘅我哋嚟讲简直系一乐事´͈ ᵕ `͈✎ 日式豚肉炒乌冬 乌冬幼滑细腻，烟靭弹牙，有咬口～酱料好味，似系用咗日式炒面同大阪烧嘅汁˃̵͈̑ᴗ˂̵͈̑杂菜新鲜爽口；豚肉烟韧但食落又唔会太干身，整体味道相对惹味浓味，酸酸地几开胃。✎ 酱油滑蛋炸鸡扒饭个蛋十分滑嫩，略湿润，微甜，入口即融咁款～饭相对软腍，而炸鸡嘅炸粉好薄身，入边啲鸡好粉嫩，口感唔干，另外体积都算大而厚身，炸鸡味香气四溢，用心之作 ！✎ 特浓朱古力芝士蛋糕表面布满朱古力粉，整体口感香醇丝滑，味道唔会太苦๑˃́ꇴ˂̀๑✎ 焙茶纽约芝士蛋糕味道浓郁甘醇，唔腻；蛋糕松软！✎ 京都抹茶梳打清香带甘甜，味道不浓不淡～✎ 菠萝红茶淡淡菠萝味，浓郁嘅红茶味。