善茶 (已結業)

听讲香港唯1一间丝袜奶茶加珍珠嘅茶饮店系尖沙咀开咗，不嬲中意饮港式奶茶嘅我就一于去试下。原来系风云丸嘅后面，听讲开咗成两个月啦，今个十一月系感谢月，所以like facebook or follow ig，同埋tag一个朋友就可以正价饮品减4蚊。依个优惠仲要系去到11月尾。我见到有樽仔奶茶买㖞，本身$20，如果买一杯正价饮品先可用$15换。所以我就点咗杯寿眉拿铁再用$15换先抵多1蚊，于是唯有将支樽仔奶茶拎番去做早餐。店员仲好细心解释唔饮放雪柜，饮之前摇一摇均佢先饮。饮咗寿眉拿铁，估唔到寿眉嘅清香同鲜奶系咁夹，饮完都唔济，而丝袜奶茶真系唔错，重点要饮到一杯好嘅奶茶已经系香港好难揾到。