影片
更多
2014-01-01
17 浏览
冬天来了，有啲咩野系必做架呢？当然系要打边炉取暖啦！近年兴起既鸡煲加打边炉热潮到而家仍然未消退，反而到冬天有愈来愈扩张既迹象。尤记得有一次喺北角觅食，见到有成4、5间鸡煲喺同一条街！可想而知，有市场有需求下，自然有更多人开设鸡煲店。鸡煲开到成行成市，点先可以突围而出呢？有幸来到位于深水埗既『大哥鸡煲』试食，多谢有关方面既邀请同安排。店内既座位大约有40个左右，容纳不了太多客人。当晚来到试食，首先奉上既系花旗参桂圆茶同菊花石斛桂圆茶。前者花旗参味几浓亦几滋润，后者菊花味亦够清香。大哥鸡煲既总厨其实已经有超过25年经验，亦曾于国内经营外省菜餐厅，经验确系几丰富。Menu呢张MENU 大家就可以清楚睇到店内唔同食物既价钱，可有更深刻了解。当晚店方试食既煲系由淡至浓，呢个安排几好，因为唔会令到淡味既煲被浓味盖过。花胶浓汤鸡煲翅 (例$ 228, 份$298)汤底呈现奶白色，但其实汤底味道好浓，因为呢个花胶浓汤鸡煲翅选用左上等老鸡、金华火腿同上肉等熬制左六个钟，再配上黄胶筒、元贝、鲍片菇同鱼翅等上等材料烹调，难怪咁浓咁新鲜同咁滋润啦！鸡煲咁耐之后仍然几滑，鲍片菇几爽口，花胶就几腍。我相信如果认为
鸡煲开到成行成市，点先可以突围而出呢？有幸来到位于深水埗既『大哥鸡煲』试食，多谢有关方面既邀请同安排。店内既座位大约有40个左右，容纳不了太多客人。当晚来到试食，首先奉上既系花旗参桂圆茶同菊花石斛桂圆茶。前者花旗参味几浓亦几滋润，后者菊花味亦够清香。大哥鸡煲既总厨其实已经有超过25年经验，亦曾于国内经营外省菜餐厅，经验确系几丰富。
Menu
呢张MENU 大家就可以清楚睇到店内唔同食物既价钱，可有更深刻了解。当晚店方试食既煲系由淡至浓，呢个安排几好，因为唔会令到淡味既煲被浓味盖过。
花胶浓汤鸡煲翅 (例$ 228, 份$298)
汤底呈现奶白色，但其实汤底味道好浓，因为呢个花胶浓汤鸡煲翅选用左上等老鸡、金华火腿同上肉等熬制左六个钟，再配上黄胶筒、元贝、鲍片菇同鱼翅等上等材料烹调，难怪咁浓咁新鲜同咁滋润啦！鸡煲咁耐之后仍然几滑，鲍片菇几爽口，花胶就几腍。我相信如果认为鸡煲肥而唔钟意食鸡煲既女士们应该会喜欢呢个花胶浓汤鸡煲翅。 不过平时既我已经唔会叫翅食，因为唔想鲨鱼继续被滥杀。但呢个鸡煲翅如果无左翅仍然会系咁好饮！因为翅系无味架嘛！胡椒猪肚包鸡锅 ($208)
平日daddy同mami 叫胡椒猪肚我都唔会点食，不过当晚点都要试下既~ 其实胡椒猪肚包住只鸡喺香港确系罕见，师傅剪开猪肚就见到切件左既鸡喺入面，猪肚味道新鲜，唔用雪藏货好处系唔会令到啲汤底都变左有浸雪气味。鸡问过店方话系用三黄鸡，几嫩滑。汤都系奶白色，味道浓郁而且有胡椒情况下令到汤底会有少少辣。不过整体呢个锅系好饮，配搭得好而且汤底浓。奇味招牌鸡煲 (半只$118, 全只$188)
呢间鸡煲既鸡选用精选著名土鸡: 三黄鸡(毛黄、爪黄、咀黄)，特意选用重量约2斤 - 2斤4両，咁就可以确保肉质嫩滑同埋皮脆香口。食落去时发现几香，原来鸡煲内既香料系特别喺重庆挑选入货，然后再配合师傅自家秘制酱料，所以呢个鸡煲系有种独特既巴蜀风味。鸡已经变成啡色，几滑，唔chewy，而且几入味。如果大家想食麻辣既鸡煲就要事先向店方说明呢！川味烧鱼锅 （半条$128, 全条$228)
呢条鱼用上新鲜河鲜，店方话呢条系鲈鱼，食落去肉质嫩滑。一开始我惊会有啲腥，但食过之后就发现我既担心系多余，因为呢条鱼其实唔腥。咁大盘既鱼用上唔少既配料，例如有新鲜花椒、野菌同四川腌制酸菜等。味道方面其实可以话酸菜变成左个主角，酸同辣既味道都由酸菜带起，增加味蕾既感应度。我觉得呢条鱼做得唔错，嫩滑得嚟有咬口，亦带有鲜味。
左上:青瓜 右上:什菌墨鱼丸($68/8粒) 左下:鱼滑($58) 右下:杞子白菜花胶饺($58)
青瓜味少少酸少少spicy啦什菌墨鱼丸用上姬松茸、牛肝菌同茶树菇等贵价既材料去做，菌香丰富，墨鱼丸几爽口弹牙，几好食！
鱼滑几新鲜几弹牙，唔错
杞子白菜花胶饺饺皮几薄，但花胶质感可能易融而试唔到。
另外有一款灼腐皮，系同区著名腐竹店，供应比唔少五星酒店既树记既出品，难怪几软熟，重豆香，好食！
鹿儿岛黑豚腩肉($98)
肉味尚算浓，唔会太肥，肥瘦均匀，唔错。手切本地肥牛($268)
就咁睇都见到脂肪均匀，而且切得薄，可见师傅刀功。肉味未算好浓但系几juicy，有入口即融既感觉。唔错！整体嚟讲，呢间新食店唔错，质素属中上，而且用料比一般鸡煲火锅店更讲究，会入一啲贵价材料务求做好食物质素留住客人。有咁既心态既食店愈嚟愈少，希望呢间食店既呢种心态可以继续维持落去啦！
张贴
