影片
更多
2020-04-15
301 浏览
呢日做外卖妹买午餐返屋企食，我就拣咗呢间新开嘅台式小店🇹🇼。小店设有几个座位可以堂食，但我眼见买外卖嘅人比较多！当我望紧餐牌之际，应该系老板嘅人行过，问我有无想食啲乜，同埋介绍下佢哋嘅菜式！根据佢嘅讲法，唔少食材都真系来自台湾当地😊，但亦有部份食品系厨师自家制。食物选择唔多，主食主要系卤肉饭同便当🍱(无面食)，另外仲有其他台式小食如蛋饼、以及仙草芋圆类甜品。定价正正常常，唔算特别平，但份量比起平日嘅台式料理多！手切卤肉便当($48)，可能我肚饿啦，我觉得呢个卤肉饭好好食！米饭用上珍珠米🍚，粒粒分明，湿润度刚好；而卤肉粒亦好出色，每粒均由师傅人手切，Size唔会太细，食落有咬口，加上肥瘦肉达到黄金比例。另外，碗饭仲搭配半只溏心蛋，加麻酱菠菜同腌椰菜萝卜。台式排骨便当($58)，返到屋企先发现原来呢个排骨便当同卤肉便当嘅分别主要系块猪扒🐷，其他无异！不过卤肉粒当然就无卤肉便当咁多。餐厅好细心，个外卖兜设有两层，将猪扒同饭分开，避免整湿个皮。猪扒够厚身，食落松软，而且入味，好食啊🐖。炸薯角($29)，🥔作为薯仔控嘅我忍唔住嗌埋嚟食。炸薯角比平日细粒，但份量好多；炸起上嚟都唔太热气，唔错。炸花
呢日做外卖妹买午餐返屋企食，我就拣咗呢间新开嘅台式小店🇹🇼。小店设有几个座位可以堂食，但我眼见买外卖嘅人比较多！
当我望紧餐牌之际，应该系老板嘅人行过，问我有无想食啲乜，同埋介绍下佢哋嘅菜式！根据佢嘅讲法，唔少食材都真系来自台湾当地😊，但亦有部份食品系厨师自家制。
食物选择唔多，主食主要系卤肉饭同便当🍱(无面食)，另外仲有其他台式小食如蛋饼、以及仙草芋圆类甜品。定价正正常常，唔算特别平，但份量比起平日嘅台式料理多！
手切卤肉便当
$48
6 浏览
0 赞好
0 留言
手切卤肉便当($48)，可能我肚饿啦，我觉得呢个卤肉饭好好食！米饭用上珍珠米🍚，粒粒分明，湿润度刚好；而卤肉粒亦好出色，每粒均由师傅人手切，Size唔会太细，食落有咬口，加上肥瘦肉达到黄金比例。另外，碗饭仲搭配半只溏心蛋，加麻酱菠菜同腌椰菜萝卜。
台式排骨便当
$58
7 浏览
0 赞好
0 留言
台式排骨便当($58)，返到屋企先发现原来呢个排骨便当同卤肉便当嘅分别主要系块猪扒🐷，其他无异！不过卤肉粒当然就无卤肉便当咁多。餐厅好细心，个外卖兜设有两层，将猪扒同饭分开，避免整湿个皮。
猪扒够厚身，食落松软，而且入味，好食啊🐖。
炸薯角
$29
14 浏览
0 赞好
0 留言
炸薯角($29)，🥔作为薯仔控嘅我忍唔住嗌埋嚟食。炸薯角比平日细粒，但份量好多；炸起上嚟都唔太热气，唔错。
炸花枝丸
$29
12 浏览
0 赞好
0 留言
炸花枝丸($29)，共4粒，味道无咩特别，正常之作🍡。
仙草2号
$35
5 浏览
0 赞好
0 留言
仙草2号($35)，材料包埋仙草冻、红豆、绿豆同手工芋圆。老板话呢到嘅仙草冻系自家制，果然系几好味㖞🤤，同罐装嘅唔同，口感比较幼滑，配上鲜奶球(花奶嘅台湾叫法)食，好正。
午餐奉送$17饮品，其余补差价。一杯要咗冬瓜柠檬🍋(原价$22)；另一杯就要咗冻胚芽奶茶加珍珠(原价$21+$3)，味道几好，有好多胚芽粒，珍珠亦都好嚼。
总括嚟讲，呢间台式小店嘅出品皆有惊喜，卤肉饭、小食以及甜品都好好食😋。不过我会推介净卤肉饭以外嘅便当，因为同样食到卤肉饭嘅味道之余，可以试埋排骨或者盐酥鸡等😝。食物味道、店舖装修以至服务都让我感受到老板嘅用心经营，加油💪！
张贴
