影片
更多
2014-03-31
757 浏览
此店由我报料给open rice 至今起码一个月有多，或许两个月，等open rice update 间食店资料, 我才可以写下食后感, 所以我都唔记得用餐日期系几时，因为我亦去过好多次，包括早餐及午餐。平时我都会自己带饭，因为尖沙咀食晏始终都贵D，亦好难揾位，此店第一次去系咁啱个日冇带饭，所以发现此自家制作，佢主打系食叉烧，亦有然鸡肉及牛肉，午餐亦可以选择配饭、面或脆猪包, 另外如果加$15，可以有饮品及小食.第一次我系食烧烤牛肉配脆猪包，牛肉系有烧烤香味，但我觉得唔系好够味，如果多番小小酱汁味道会好味D, 女仔都会够饱（如果唔系太大食的话) , 另外亦有加小食, 因为其中一款小食系炸南瓜片，所以试吓，但我觉得南瓜片油咗D，味道亦冇乜特别，所以第二次都冇再加小食。第二次试叉烧配面, 叉烧唔系D乜嘢特别嘢，但佢D叉烧烧得好香，佢写住「招牌秘制叉烧」，所以味道当然唔差，亦食得出系用梅头肉整，所以好松软，重可以选辣定唔辣，但配面我就觉得份量小咗D，如果男士一定唔够饱，所以男士去都系食饭好D.其实当我食完第一次午餐之后，会再去帮衬系因为佢地每个店员都服务态度好好，笑容好好，其中一个女仔嘅笑
平时我都会自己带饭，因为尖沙咀食晏始终都贵D，亦好难揾位，此店第一次去系咁啱个日冇带饭，所以发现此自家制作，佢主打系食叉烧，亦有然鸡肉及牛肉，午餐亦可以选择配饭、面或脆猪包, 另外如果加$15，可以有饮品及小食.
第一次我系食烧烤牛肉配脆猪包，牛肉系有烧烤香味，但我觉得唔系好够味，如果多番小小酱汁味道会好味D, 女仔都会够饱（如果唔系太大食的话) , 另外亦有加小食, 因为其中一款小食系炸南瓜片，所以试吓，但我觉得南瓜片油咗D，味道亦冇乜特别，所以第二次都冇再加小食。
第二次试叉烧配面, 叉烧唔系D乜嘢特别嘢，但佢D叉烧烧得好香，佢写住「招牌秘制叉烧」，所以味道当然唔差，亦食得出系用梅头肉整，所以好松软，重可以选辣定唔辣，但配面我就觉得份量小咗D，如果男士一定唔够饱，所以男士去都系食饭好D.
其实当我食完第一次午餐之后，会再去帮衬系因为佢地每个店员都服务态度好好，笑容好好，其中一个女仔嘅笑容比我感觉好亲切，唔系招牌式嘅笑容，其次系我问佢有冇电话可以叫早餐，因为谂住可以打电话叫定再过去攞，个女仔好好人，重比咗2张Coupon我, 早餐可以减$5，所以我亦有去试早餐，第一次早餐唔记得食乜，第二食叉烧三文治，好有惊喜，叉烧真系好味，好香，重辣辣地，三文治好软，重可以选白面包或麦包，好似重可以选脆猪包或菠萝包，我唔系好记得，因为我次次都系食麦包。
其实现在太多连锁式食店或快餐店, 有D服务须然好好, 但比人感觉好似机械人, 例牌式笑容及多谢, 完全欠缺诚意. 但此店D食物须然唔系乜嘢特别, 亦唔系D贵价食物, 但此店比到我一种亲切感之余, 亦食得出佢哋个份心意, 因为佢哋无论早餐或午餐, 都系即叫即做, 三文治都系热辣辣, 亦有好多馅料, 唔似某间连锁式快餐店, D三文治好似隔夜面包, 硬到掟死狗, 冻冰冰, 有D茶餐厅份三文治块面包薄到风都吹得起, 食完都唔饱, 块午餐肉薄到得0.1cm, 好多茶餐厅都系咁, 都唔知系咪依家兴嘅.
所以我觉得呢类自家经营嘅小店, 用心去经营, 好值得支持, 希望佢哋可以保持呢份心去继续经营.
题外话/补充资料：
因叉烧可选辣定唔辣, 建议只系食得小小辣嘅人, 要唔辣好D, 因我自问都算食得辣, 平时都冇辣不欢, 都觉得有小小辣, 所以如果唔食得辣嘅人, 可能会觉得好辣.
(以上食记乃用户个人意见 , 并不代表OpenRice之观点。)
张贴
