NUMBER 8 FUSION BURGER (已結業)

大坑有唔少隱世小店，呢間主打東南亞風味嘅漢堡，有分迷你、正常同特大版本，依家做緊個Mega Challenge，八分鐘挑戰大胃王餐、另外亦有多款印尼小食供應，經過試試無妨😃 前菜有Indonesian Salad (Rujak)，主要以青瓜、沙葛、花生碎、特製辣汁混合而成，爽口惹味，適合夏天享用。另外有個Satay Platter，香氣四溢，肉質嫩滑，唔覺唔覺就清光～ 漢堡要咗Water Drop Fried Shrimp Hamburger，自家製麵包採用牛奶、蛋同牛油，完全無落一滴水，鬆軟好食、整體層次感豐富，連蝦都係自己打嘅，配上柚子醬食落更開胃。飲品方面店員推介呢度嘅Grapefruit Soda，混合新鮮西柚，有粒粒口感，而且甜度唔高，值得一試。小店仲有做埋特製化嘅到會服務，因應客人要求而設計菜式同口味，出面好少有。