影片
更多
2024-03-22
468 浏览
好耐冇食过一间我咁想打食评嘅餐厅，因为朋友回港探亲，推荐我哋嚟哩度食嘢同庆祝生日，冇谂过咁有惊喜！蘑菇汤饮得出每一啖都系蘑菇，好浓郁好味道！墨西哥鸡翼应该系即叫即整，因为上枱系热到放唔到入口🤣鸡翼炸得啱啱好，皮脆，入面仲有鸡汁，香辣惹味。三文鱼他他哩个系menu上面嘅secret dish嚟，有机会系其他野，要问大厨先知当日系乜。由于自己对他他情有独钟，谂都冇谂就order，三文鱼大大粒绝不欺场，加埋个酱食落好开胃，会想一件接一件咁食。慢煮北海道猪出街真系好怕食猪，一系怕”鞋”二系怕”搔”，不过喺朋友嘅大力推荐下就试下啦。猪肉非常软稔，我最怕嘅两样野都冇，果然冇介绍错。兰王cream brûlée哩度嘅cream brûlée分两个版本，我哋拣咗食兰王蛋，因为出面应该系食唔到嘅。味道非常特别，比起普通版本更有蛋香，一试难忘。心太软朱古力流心相当成功，软滑而且浓厚朱古力味，但系成碟最吸精嘅系眼珠咁大粒嘅蓝莓，由于唔食莓类怕酸，但系大到忍唔住食咗粒，好甜好好味！海盐伯爵茶戚风蛋糕蛋糕松软，满满伯爵茶香，加埋海盐嘅味道好特别，花瓣用咗食用花，非常揼本，手字仲好靓👍🏻多谢朋友推介，全程食得出大
蘑菇汤
饮得出每一啖都系蘑菇，好浓郁好味道！
墨西哥鸡翼
应该系即叫即整，因为上枱系热到放唔到入口🤣
鸡翼炸得啱啱好，皮脆，入面仲有鸡汁，香辣惹味。
三文鱼他他
哩个系menu上面嘅secret dish嚟，有机会系其他野，要问大厨先知当日系乜。
由于自己对他他情有独钟，谂都冇谂就order，三文鱼大大粒绝不欺场，加埋个酱食落好开胃，会想一件接一件咁食。
慢煮北海道猪
出街真系好怕食猪，一系怕”鞋”二系怕”搔”，不过喺朋友嘅大力推荐下就试下啦。
猪肉非常软稔，我最怕嘅两样野都冇，果然冇介绍错。
兰王cream brûlée
哩度嘅cream brûlée分两个版本，我哋拣咗食兰王蛋，因为出面应该系食唔到嘅。味道非常特别，比起普通版本更有蛋香，一试难忘。
心太软朱古力流心相当成功，软滑而且浓厚朱古力味，但系成碟最吸精嘅系眼珠咁大粒嘅蓝莓，由于唔食莓类怕酸，但系大到忍唔住食咗粒，好甜好好味！
海盐伯爵茶戚风蛋糕蛋糕松软，满满伯爵茶香，加埋海盐嘅味道好特别，花瓣用咗食用花，非常揼本，手字仲好靓👍🏻
多谢朋友推介，全程食得出大厨嘅用心，用餐完毕大厨仲有出嚟了解返啲嘢啱唔啱食，细问之下原来大厨系会亲力亲为购买食材同拣生果，真系非常难得。
环境方面冇影到相，但系就非常阔落舒服，仲有室外地方，方便吸烟人士。
餐厅仲有包场服务，经常都会有生日、结婚等等嘅包场。
张贴
