海言どんぶり専門店

营业中

休息中

今日一于食好啲，去咗中环呢间海言どんぶり専门店食鱼生丼饭，入到去见到师傅喺吧枱后面专心准备刺身，已经感到好期待叫咗个海言厨师发办鱼生饭特上，一上枱已经震撼到我！成碗饭系层层叠叠咁摆满刺身，卖相一流！啲鱼片切得超薄超靓，师傅手势真系一流。大拖罗油香入口即溶；中拖罗都系香浓滑溜，唔会输畀大拖。金目鲷同真鲷新鲜爽甜，油鲷就肥美得嚟唔会漏，秋刀鱼肉质结实爽口。最啱我心水系啲炙烧鱼类，师傅用火枪烧到表面微微焦香，但里面仲系保持住生鱼片嘅鲜味，海胆同三文鱼籽都系上等货，海胆香甜冇腥味，鱼籽有油香味重🥰另外仲试咗个江户前散寿司，啲饭用紫菜、芝麻、姜蓉同赤醋调味，香喷喷又够醋香。自家制腐皮同玉子都好出色。啲刺身一样系新鲜靓料，摆盘劲靓。配餐仲有茶碗蒸同沙律，最后仲会上过面豉汤暖吓个胃，都几有诚意。最后重可以添饭，不过我实在食唔落啦！师傅嘅刀工、摆盘同选料都见到诚意，绝对值得等位入去食。下次一定会再嚟试下第日嘅时令刺身！