影片
更多
2024-05-20
255 浏览
🍜面馆皇 📍铜锣湾登龙街32号地舖-----放假铜锣湾周围都游客，为咗远离游客，所以特登避开去大商场食午餐，选址登龙街嘅呢间面馆小店，之前朋友极力推介过佢地嘅刀削面，想试好耐。虽说游客未必识黎，但1点左右黎到，都几乎满座，估计工作日应该会更多人。🐥药膳刀削面秘制麻辣口水鸡朋友话药膳汤底系主打，饮落确实唔错，感觉是无味精的天然味道，说不上极其浓郁，但甜甜地，唔会有药材嘅苦味，无论平时中唔中意药膳味，都会容易接受。刀削面烟韧富弹性，带有少少类似年糕嘅糯口感觉，面粉味亦香浓，基本上中意淀粉感嘅人都一定会中意。而秘制麻辣口水鸡亦有惊喜，鸡肉份量多，嫩滑非常，且皮与肉之间有整层上汤啫喱，加上香辣而不呛喉嘅惹味酱汁，$68呢个价钱，确实系无咩挑剔，如果我系铜锣湾返工应该会成日黎。🐖藤椒麻酱手擀面配家乡祖傅猪软骨手擀面比起刀削面薄身少许，无咁糯口饱肚，但同样滑溜有弹性，两款各有千秋。藤椒麻酱汁微辛中带点香浓麻酱味，加上青瓜之后，浓腻感平衡得不错，而猪软骨则是肥瘦适中，虽然份量上没有麻辣口水鸡多，但质感软嫩中不失爽脆，调味亦恰到好处，也不错。🥟追加嘅蒸鲜肉大白菜小棠菜云吞及鲜肉北京水饺都似系自家制造，
📍铜锣湾登龙街32号地舖
-----
放假铜锣湾周围都游客，为咗远离游客，所以特登避开去大商场食午餐，选址登龙街嘅呢间面馆小店，之前朋友极力推介过佢地嘅刀削面，想试好耐。
虽说游客未必识黎，但1点左右黎到，都几乎满座，估计工作日应该会更多人。
🐥药膳刀削面秘制麻辣口水鸡
朋友话药膳汤底系主打，饮落确实唔错，感觉是无味精的天然味道，说不上极其浓郁，但甜甜地，唔会有药材嘅苦味，无论平时中唔中意药膳味，都会容易接受。刀削面烟韧富弹性，带有少少类似年糕嘅糯口感觉，面粉味亦香浓，基本上中意淀粉感嘅人都一定会中意。而秘制麻辣口水鸡亦有惊喜，鸡肉份量多，嫩滑非常，且皮与肉之间有整层上汤啫喱，加上香辣而不呛喉嘅惹味酱汁，$68呢个价钱，确实系无咩挑剔，如果我系铜锣湾返工应该会成日黎。
🐖藤椒麻酱手擀面配家乡祖傅猪软骨
手擀面比起刀削面薄身少许，无咁糯口饱肚，但同样滑溜有弹性，两款各有千秋。藤椒麻酱汁微辛中带点香浓麻酱味，加上青瓜之后，浓腻感平衡得不错，而猪软骨则是肥瘦适中，虽然份量上没有麻辣口水鸡多，但质感软嫩中不失爽脆，调味亦恰到好处，也不错。
🥟追加嘅蒸鲜肉大白菜小棠菜云吞及鲜肉北京水饺都似系自家制造，唔系好似坊间好多求其嘅餐厅用湾仔码头，前者皮薄馅多，后者饺子皮则与刀削面有异曲同工之妙，一样系非常有Q劲，几用心，将饺子浸泡落药膳汤底再食，会更加提鲜。
张贴
