影片
更多
2024-05-26
249 浏览
食过佢哋铜锣湾分店，觉得都几有水准，今日再试吓佢哋旺角分店。晚餐同样系有set，跟salad或汤，主菜同埋嘢饮。头盘都系一个汤一个沙律。汤今日系洋葱汤，自己平时其实唔好洋葱，但系呢个洋葱汤睇得出有劲多洋葱，几乎系清汤咁济，好清甜，而且洋葱系煮得入口即溶！沙律就正正常常，不过都睇得出用料系高质嘅，沙律菜新鲜，而且蕃茄都好甜。Today’s Special 烧五花腩配青酱扁意粉($188): 呢个烧得劲出色，同中式烧五花腩好唔同，食落去完全唔觉得油腻，只有脆香嘅外皮同埋入口即溶嘅猪油香，加上烧过嘅五花腩，感觉好满足！ 扁意粉加上翠玉瓜同磨菇，味道较淡，但系同五花腩一齐食就唔会抢咗五花腩嘅味道。牛肝菌汁南非鲍鱼仔意大利云吞($198): 好足料！ ！ ！有十几只鲍鱼仔再配上蘑菇，牛肝菌汁嘅味道调得刚刚好，唔会过喊过份抢咗意大利云吞嘅味道。饮品方面就嗌咗冻柠茶(+$4)同埋青柠薄荷梳打(+$28)，想赞吓青柠薄荷梳打，虽然见到有绿色薄荷嘅调味，但系见到嘅薄荷叶份量好多，饮落去系真系有新鲜薄荷嘅味道，而且唔会觉得好甜，好清新开胃。总结：虽然铺仔细细，但系嘢食真系有返咁上下，自己觉得如果咁样嘅食物
头盘都系一个汤一个沙律。汤今日系洋葱汤，自己平时其实唔好洋葱，但系呢个洋葱汤睇得出有劲多洋葱，几乎系清汤咁济，好清甜，而且洋葱系煮得入口即溶！沙律就正正常常，不过都睇得出用料系高质嘅，沙律菜新鲜，而且蕃茄都好甜。
Today’s Special 烧五花腩配青酱扁意粉($188): 呢个烧得劲出色，同中式烧五花腩好唔同，食落去完全唔觉得油腻，只有脆香嘅外皮同埋入口即溶嘅猪油香，加上烧过嘅五花腩，感觉好满足！ 扁意粉加上翠玉瓜同磨菇，味道较淡，但系同五花腩一齐食就唔会抢咗五花腩嘅味道。
牛肝菌汁南非鲍鱼仔意大利云吞($198): 好足料！ ！ ！有十几只鲍鱼仔再配上蘑菇，牛肝菌汁嘅味道调得刚刚好，唔会过喊过份抢咗意大利云吞嘅味道。
饮品方面就嗌咗冻柠茶(+$4)同埋青柠薄荷梳打(+$28)，想赞吓青柠薄荷梳打，虽然见到有绿色薄荷嘅调味，但系见到嘅薄荷叶份量好多，饮落去系真系有新鲜薄荷嘅味道，而且唔会觉得好甜，好清新开胃。
总结：虽然铺仔细细，但系嘢食真系有返咁上下，自己觉得如果咁样嘅食物质素配上呢个价钱，绝对系物超所值。绝对会再过嚟！
张贴
